Alia Bhat: వెండి తెరపై తన అందం, అభినయంతో ప్రేక్షకులను కట్టిపడేసే తత్వం కలిగిన స్టార్ హీరోయిన్ ఆలియా భట్ ఇప్పుడు పాన్ ఇండియా స్టార్ లతో జతకట్టి, అదే స్థాయిలో తెరకెక్కబోతున్న ఆర్ ఆర్ ఆర్ చిత్రంలో నటంచిన విషయం అందరికీ తెలిసిందే. భారీ అంచనాల మధ్య ఈ నెల 25 న విడుదల కానున్న ఈ సినిమా కోసం యావత్ ప్రపంచం ఆసక్తిగా ఎదురుచూస్తోంది. ఇటు తెలుగు ప్రేక్షకులను మాత్రమే కాదు, హిందీ, కన్నడ లాంటి పలు భాషల ప్రేక్షకులను సైతం అలరించేందుకు ఈ సినిమా భారీ స్థాయిలో సిద్దం అవుతోంది.
ఐతే రిలీజ్ డేట్ దగ్గర పడుతుండడంతో చిత్ర యూనిట్ ఇప్పటికే ప్రమోషన్స్ లో బిజీగా ఉన్నారు. పలు రాష్ట్రాల్లో చక్కర్లు కొడుతూ సినిమాకు ఇప్పటికే ఉన్న క్రేజ్ ను మరింత పెంచేందుకు నానా ప్రయత్నాలు చేస్తున్నారు. ఐతే ఈ సినిమాలో కథానాయికగా చేసిన ఆలియా భట్ విషయానికొస్తే ఈ సినిమాకు సంబంధించి ఇప్పటి వరకు రెండు పాటలు విడుదల కాగా, అందులో ఎక్కడ ఆమె కనిపించక పోవడంతో ఆలియా అసంతృప్తి వ్యక్తం చేస్తున్నట్టు తెలుస్తోంది. కానీ జక్కన్న ప్లాన్ ప్రకారం ఈ చిత్రానికి సంబంధించిన ఏ విషయాన్ని బయటికి లీక్ కాకుండా ఇప్పటి వరకు జాగ్రత్తలు తీసుకుంటూ వస్తున్నారు. అందులో భాగంగానే ఈమెకు సంబంధిన పాటను రిలీజ్ చేయకూడని సర్ప్రైజ్ ప్లాన్ చేస్తున్నట్టు సమాచారం.
ఇక బాహుబలి సినిమాతో అత్యంత పేరు తెచ్చుకున్న ఈ డైనమిక్ డైరెక్టర్ రాజమౌళి ఈ సినిమాతోనూ అనుకున్నా దాని కన్నా ఎక్కువ స్థాయిలో విజయం సాధిస్తాడని పలువురు భావిస్తున్నారు. జక్కన్న కూడా అదే విశ్వాసంతో ఉన్నట్టు తెలుస్తోంది. ప్రమోషన్స్ లోనూ ఈ సినిమాకు సంబంధించి ఎలాంటి లీక్ లు లేకుండా ఎన్టీఆర్, చరణ్ లు కూడా జాగ్రత్తలు తీసుకుంటున్నట్టు తెలుస్తుంది. ఇకపోతే ఆలియా భట్ నటించిన భీమ్లా సినిమా కూడా మార్చి 25 నే ఓటీటీ స్ట్రీమింగ్ కానుండడంతో ఆలియాకు ఈ డేట్ ప్రత్యేకమైనదిగా చెప్పవచ్చు.