Gangubai Kathiawadi: ప్రముఖ దర్శకుడు సంజయ్ లీలా భన్సాలీ దర్శకత్వంలో బాలీవుడ్ బ్యూటీ ఆలియా భట్ నటించిన లేటెస్ట్ మూవీ గంగూబాయి కతియావాడి. ఈ సినిమా ఫిబ్రవరి 25న దేశ వ్యాప్తంగా విడుదలై బ్లాక్ బస్టర్ హిట్గా నిలిచిన విషయం తెలిసిందే. కాగా కామాతిపుర రాజ్యానికి గంగుబాయి మాఫియా క్వీన్గా ఎలా ఎదిగింది అనే కథాంశంతో తెరకెక్కించిన ఈ సినిమాలో ఆలియా గంగూబాయి పాత్రను పోషించింది. కరోనా తర్వాత ఒక లేడీ ఓరియెంటెడ్ సినిమా రికార్డులను బ్రేక్ చేసి, అదే స్థాయిలో కలెక్షన్లను రాబట్టడం అనేది మామూలు విషయం కాదు. దీంతో ఆలియా భట్ను లేడీ సూపర్ స్టార్ అంటూ ఆమె అభిమానులు కీర్తిస్తున్నారు.
కాగా ఇప్పటికే తన అందం, అభినయం, డైలాగ్ డెలీవరీతో ఆలియా విమర్శకుల ప్రశంసలు పొందగా, తాజాగా ఈ సినిమా భారీ విజయాన్ని సొంతం చేసుకోవడంతో ఎప్పుడు ఓటీటీలోకి వస్తుందా అని అభిమానులు తెగ ఎదురు చూస్తున్నారు. అలాంటి వారికి చిత్ర యూనిట్ ఓ శుభవార్తను తెలియజేసింది ఈ చిత్రం ప్రముఖ ఓటీటీ దిగ్గజం నెట్ఫ్లిక్స్లో త్వరలోనే విడుదల చేయనున్నట్టు ప్రకటించడంతో ఆలియా ఫ్యాన్స్ సంబరపడిపోతున్నారు. 100 కోట్ల వసూళ్లను సునాయాసంగా దక్కించుకున్న ఈ సినిమా మార్చి 25 నుంచి ఈ సినిమా ఓటీటీలో స్ట్రీమింగ్ కానున్నట్టు తెలుస్తోంది. కాగా ఈ సినిమాలో బాలీవుడ్ స్టార్ అజయ్ దేవగన్ కీలకపాత్రలో నటించిన సంగతి తెలిసిందే.
మరో వైపు తెలుగులో ఆలియా నటించిన నటించిన ఆర్ ఆర్ ఆర్ సినిమా కూడా త్వరలోనే ప్రేక్షకుల ముందుకు వచ్చేందుకు రెడీగా ఉంది. ఈ చిత్రం కూడా మార్చి 25 న ప్రపంచ వ్యాప్తంగా థియేటర్ల లో విడుదల అవుతుండడంతో మార్చి 25 ఆలియాకు ప్రత్యేకమైన రోజుగా మారింది. అంటే గంగూభాయ్ మరియు ఆర్ ఆర్ ఆర్ సినిమాలు ఒకే సారి.. ఒకే రోజు ప్రేక్షకుల ముందుకు రాబోతున్నాయమాట..