బుల్లితెరపై సంగీత మెరిసిపోతోంది. ఆ మధ్య జబర్దస్త్ జడ్జ్‌గా వచ్చిన సంగీత తాజాగా దసరా ఈవెంట్‌లోనూ దుమ్ములేపుతోంది. మామూలుగా రోజాను తీసుకునే టీం.. ఈ సారి మాత్రం సంగీతకు అవకాశం ఇచ్చారు. రోజా తన రాజకీయ పనుల్లో బిజీగా ఉండటం వల్ల దసరా ఈవెంట్‌లో పాల్గొనలేపోయినట్టు సమాచారం. అందుకే ఆమె స్థానంలో సంగీతను తీసుకున్నట్టు తెలుస్తోంది. పైగా ఇంతకు ముందు జబర్దస్త్ వేదికపై చేసిన అనుభవం కూడా ఉంది.
అక్కా ఎవరే అతగాడు అంటూ వచ్చిన సంగీత పంచ్‌లు కూడా బాగానే వేస్తోంది. అయితే అంతగా తెలుగు స్పష్టంగా రాకపోవడంతో మాటలు చాలా కృతకంగా ఉన్నాయి. ఎవరో దగ్గరుండి బాగా బట్టిపట్టించినట్టు చెబుతోంది. గ్లామర్ ఉండటంతో ఇవన్నీ పక్కకి జరిగిపోయాయనుకోండి. సంగీత ఈ ఈవెంట్లకు చార్జ్ చేసే మొత్తం ఎంతో బయటకు వచ్చింది. రాకెట్ రాఘవ ఈ ఈవెంట్‌లో వేసిన స్కిట్ మూలానా సంగీత రెమ్యూనరేషన్ అలా బయటపడింది.
ఖడ్గం సినిమాలోని సంగీతలా రాకెట్ రాఘవ నటించాడు. ఈ మేరకు తన స్కిట్‌లోని డైలాగ్ చెబుతూ.. ఒక్క చాన్స్ అంటూ తిరుగుతూ మల్లెమాలకు వచ్చాను మొదటి సారి జబర్దస్త్ జడ్జ్‌గా ఇచ్చారు. మళ్లీ ఒక్క చాన్స్ అని అడిగాను ఈ దసరా ఈవెంట్ ఇచ్చారు. మళ్లీ ఒక్క చాన్స్ అడిగితే.. అగ్రిమెంట్ మీద సంతకం పెట్టమన్నారు.. పది లక్షలు వేస్ట్ చేసుకోవడం ఎందుకనిని పెట్టలేదంటూ అసలు సంగతి తెలిపాడు. ఇలా సంగీత రెమ్యూనరేషన్ పది లక్షలను రాఘవ బయట పెట్టేశాడు.