ఫ్రాన్స్‌లో జరుగుతున్న 78వ కేన్స్ ఫిల్మ్ ఫెస్టివల్ వేదికగా ఐశ్వర్య రాయ్ బచ్చన్ మరోసారి అంతర్జాతీయంగా ఆకర్షణీయంగా నిలిచారు. ప్రత్యేకంగా నుదుటిపై సిందూరంతో మెరిసిన ఆమె ఫోటోలు సోషల్ మీడియాలో వైరల్ అవుతుండగా, ఈ సందర్భంగా ఆమెను గతంలో తక్కువ చేసిన విమర్శలపై ఐశ్వర్య ఘాటుగా స్పందించారు. ముఖ్యంగా శరీరాకృతి, బరువు పెరిగినట్టు చేసిన ట్రోల్స్‌పై ఈసారి మౌనం వహించలేదు.
ఆరాధ్య పుట్టిన తర్వాత బరువు పెరిగినట్టు చెప్పిన వ్యాఖ్యలపై ఆమె స్పందిస్తూ, “నాకు బరువు పెరగడం సమస్య కాదు. కానీ దాని మీద మీరు మాట్లాడాల్సిన అవసరం లేదు. నేను చూసుకుంటాను కదా. అది నా జీవితం. ఎవరూ నన్ను గిల్టీగా ఫీలవ్వాలన్న అర్హతకు గట్టిపట్టుకోలేరు,” అంటూ బాడీ షేమింగ్ చేసే వాళ్లపై విరుచుకుపడ్డారు.
తాను నటనపై మక్కువ ఉన్నప్పటికీ, తల్లిగా ఉండటమే తనకెక్కువ సంతోషం తెచ్చిందని ఐశ్వర్య చెప్పారు. “ఇప్పుడు నేను నా కూతురిని చూసుకుంటున్నాను. నా చుట్టూ ప్రశాంతత ఉంది. అవసరమైతే రాత్రికి రాత్రే స్లిమ్‌గా మారగలను. కానీ ప్రస్తుతం నాకు ఆ అవసరం లేదు,” అని పేర్కొన్నారు. ఆమె ఈ మాటలు చెప్పిన తర్వాత సోషల్ మీడియాలో అభిమానుల నుంచి పెద్ద ఎత్తున మద్దతు వెల్లువెత్తుతోంది.
ఇక ఫెస్టివల్‌లో ఐశ్వర్య పెట్టుకున్న సిందూరం కూడా ఇప్పుడు చర్చకు కేంద్రంగా మారింది. కొందరు నెటిజన్లు “ఆపరేషన్ సిందూర్”కు మద్దతుగా ఆమె ఈ లుక్‌నే ఎంపిక చేసిందా? అని పోస్టులు పెడుతున్నారు. ఐశ్వర్య అందం కన్నా ఆమె ధైర్యంగా చెప్పిన మాటలే ఈసారి ఎక్కువ మార్కులు కొట్టేశాయి. విమర్శల్ని బలంగా ఎదుర్కొంటూ, వ్యక్తిగత జీవితాన్ని గౌరవించమంటూ ఇచ్చిన సందేశం ప్రతి మహిళకూ స్పూర్తిగా నిలుస్తోంది.