అదిరే అభి ఈ పేరు గురించి అందరికీ సుపరిచితమే జబర్దస్త్ కార్యక్రమం ద్వారా ఎంతో మంచి గుర్తింపు సంపాదించుకున్న అదిరే అభి ఎంతోమంది కమెడియన్ లను జబర్దస్త్ వేదికకు పరిచయం చేసిన ఘనత అదిరే అభికి దక్కుతుందని చెప్పాలి. ఇక జబర్దస్త్ కార్యక్రమంలో ఆది ఎంత క్రేజ్ ఉందో మనందరికి తెలిసిందే. ఇలా హైపర్ ఆదిని కూడా జబర్దస్త్ ఈ కార్యక్రమానికి పరిచయం చేసింది అదిరే అభినే. ఈ విషయాన్ని హైపర్ ఆది ఎన్నో సందర్భాలలో తెలియజేశారు.ఇలా జబర్దస్త్ కార్యక్రమానికి ఎంతోమందిని పరిచయం చేసిన అదిరే అభి కొన్ని మనస్పర్థల కారణంగా వల్ల జబర్దస్త్ నుంచి బయటకు వచ్చారు.
ఈ విధంగా జబర్దస్త్ కార్యక్రమం నుంచి బయటకు వచ్చిన అదిరే అభి పలు సినిమాలలో చేస్తూనే స్టార్ మా లో ప్రసారం అవుతున్న కామెడీ స్టార్స్ కార్యక్రమంలో తన అద్భుతమైన కామెడీతో ప్రతి ఒక్కరిని నవ్విస్తున్నారు. అయితే ప్రస్తుతం ఈయనకి ఇక్కడ కూడా ఇబ్బందులు తలెత్తినట్లు తెలుస్తోంది. కామెడీ స్టార్ కార్యక్రమంలో భాగంగా అదిరే అభికి నిర్వాహకులతోను ఇబ్బందులు తలెత్తడంతో ఈయన ఇక్కడి నుంచి వెళ్లిపోవాలని భావిస్తున్నట్లు సమాచారం.
ఇకపోతే జబర్దస్త్ కార్యక్రమం నుంచి బయటకు వచ్చిన హైపర్ ఆది త్వరలోనే కామెడీ స్టార్ కార్యక్రమంలో సందడి చేయనున్నారని పెద్ద ఎత్తున వార్తలు వస్తున్నాయి. ఇలా హైపర్ ఆది ఈ కార్యక్రమానికి రావడంతో నిర్వాహకులు అదిరే అభిని పొమ్మనలేక పొగ పెడుతున్నారు అనే రీతిలో అతనిని ఇబ్బందులకు గురి చేస్తున్నారని వార్తలు వస్తున్నాయి.మరి హైపర్ ఆది కామెడీ స్టార్స్ ఈ కార్యక్రమంలోకి ఎంట్రీ ఇస్తే నిజంగానే అది బయటకు వెళ్లనున్నారా? అనే విషయంపై క్లారిటీ రావాల్సి ఉంది.