బాక్సాఫీస్ : నాలుగో రోజు భారీ డ్రాప్ తో “ఆదిపురుష్” వసూళ్లు.!

గత కొంత కాలం నుంచి ఎదురు చూస్తున్న మోసి అవైటెడ్ భారీ పాన్ ఇండియా సినిమా “ఆదిపురుష్” అయితే ఇప్పుడు ఎట్టకేలకు రిలీజ్ కి వచ్చింది. పాన్ ఇండియా రెబల్ స్టార్ ప్రభాస్ హీరోగా కృతి సనన్ హీరోయిన్ గా బాలీవుడ్ దర్శకుడు ఓంరౌత్ తెరకెక్కించిన ఈ మాసివ్ విజువల్ వండర్ ఐతే ఇప్పుడు భారీ వసూళ్లు మొదటి మూడు రోజుల్లో కొల్లకొట్టింది.

మరి ఈ వసూళ్లు ఫేక్ నిజం అనేది పక్కన పెడితే మేకర్స్ మాత్రం భారీ నెంబర్ లు అనౌన్స్ చేస్తుండగా వరుసగా రెండు రోజులు ఐతే 100 కోట్లు ఈ చిత్రం రాబట్టగా ఇక నాలుగో రోజు ఈ చిత్రం భారీ డ్రాప్ ని చూసింది. మరి గత రెండు రోజులు వరల్డ్ వైడ్ గా 100 కోట్లకి తగ్గని ఈ చిత్రం నాలుగో రోజు ఏకంగా 35 కోట్ల భారీ డ్రాప్ ని అయితే చూసింది.

దీనితో ఈ చిత్రం నాలుగో రోజు కేవలం 35 కోట్లు మాత్రమే రాబట్టగా వరల్డ్ వైడ్ అయితే ఈ పాన్ ఇండియా సినిమా ఎలాంటి డ్రాప్ చూసిందో చెప్పొచ్చు. దీనితో ఈ మొత్తం నాలుగు రోజుల్లో ఆదిపురుష్ చిత్రం 375 కోట్ల వసూళ్ల మార్క్ కి అయితే ఈ చిత్రం చేరింది.

ఇక ఈ మంగళవారం నుంచి వసూళ్లు మరింత కీలకం కానున్నాయి. అని చెప్పాలి. వసూళ్లు సంగతి ఇలా ఉంటే సినిమాపై నెగిటివిటీ మాత్రం మరింత స్థాయిలో పెరుగుతుంది. ఇక ఇవన్నీ ఎక్కడికి వెళ్తాయో చూడాలి. ఇక ఈ సినిమాని అయితే భూషణ్ కుమార్, ఓంరౌత్ లు నిర్మాణం వహించగా తెలుగు సహా హిందీలో ఈ సినిమా తెరకెక్కింది.