టాలీవుడ్ హీరో పాన్ ఇండియా స్టార్ ప్రభాస్ అభిమానులకు చక్కటి శుభవార్త. అభిమానులు ఎప్పుడెప్పుడా అని ఎదురుచూస్తున్న ఆది పురుష్ సినిమా గురించి తాజాగా ఒక గుడ్ న్యూస్ ని వినిపించారు చిత్ర బృందం. అదేమిటంటే ఆదిపురుష్ సినిమా టీజర్ ను 3 న విడుదల చేయనట్లు మూవీ మేకర్స్ ప్రకటించారు. ఈ వార్త విన్న ప్రభాస్ అభిమానులు సంతోషం వ్యక్తం చేస్తున్నారు. కాగా ఇప్పటికే ఈ సినిమా షూటింగ్ పూర్తి చేసుకుని చాలా రోజులు గడిచిన విషయం తెలిసిందే. ఈ సినిమా నుంచి ఎప్పుడెప్పుడు అప్డేట్ వస్తుందా అని అభిమానులు కూడా కల్లు కాయలు కాచే విధంగా ఎదురుచూస్తున్నారు.
దీంతో ఈ సినిమా టీజర్ గురించి ఒక గుడ్ న్యూస్ వినిపించడంతో ప్రభాస్ అభిమానులు పండుగ చేసుకుంటున్నారు. టీజర్ రిలీజ్ నుంచి జనవరి 12న తేదీ సినిమా రిలీజ్ అయ్యే వరకు పెద్ద క్యాంపెయిన్ నడవనుంది అని ప్రకటించారు మూవీ మేకర్స్. అంతేకాకుండా ఈ ఏడాది ఢిల్లీ లో జరగనున్న రావన దహన కార్యక్రమాన్ని ప్రభాస్ చేతుల మీదుగా జరిపించాలని ఇప్పటికే ప్రభాస్ కూడా ఆహ్వానం కూడా అందినట్లు తెలుస్తోంది. ఇకపోతే ఆదిపురుష్ సినిమా విషయానికి వస్తే.. దర్శకుడు ఓం రౌత్ ఈ సినిమాను రామాయణాన్ని ఇతివృతంగా చేసుకొని రూపొందించడం జరిగింది.
ఇకపోతే ఈ సినిమాలో ప్రభాస్ శ్రీరాముడిగా, కృతి సనన్ సీత పాత్రలో అలాగే బాలీవుడ్ నటుడు సైఫ్ అలీ ఖాన్ రావణాసురుడు పాత్రలలో కనిపించబోతున్నారు. కాగా ఈ సినిమాను భూషణ్ కుమార్ నిర్మించారు. ఈ సినిమా కూడా పాన్ ఇండియా సినిమాగా విడుదల కానున్న విషయం మనందరికీ తెలిసిందే. అయితే ఇప్పటి వరకు ఇండియన్ సినిమాలలో చూడని విజువల్ ఎఫెక్ట్స్ ఈ సినిమాలో చూపించనున్నట్లుగా దర్శకుడు ఓంరౌత్ వెల్లడించారు. అక్టోబర్ 3న రిలీజ్ కానున్నట్లు అఫిషియల్ అనౌన్స్‌మెంట్ కూడా వచ్చింది.