Attack Challenge: నాగచైతన్య విడాకుల తర్వాత సమంత మరింత స్ట్రాంగ్ అయినట్టు తెలుస్తోంది. మెంటల్ గానే కాదు, ఫిజికల్ గానూ తనని తాను నిరూపించుకోనేందుకు కసరత్తులు చేస్తూ తన ప్రయత్నాలను కొనసాగిస్తోంది. ఇటీవల విడుదల పాన్ ఇండియా మూవీ పుష్పలో ఓ స్పెషల్ సాంగ్లో తళుక్కుమున్న ఈ తార, ఇప్పుడు విపరీతమై ఫ్యాన్ ఫాలోయింగ్ను సొంతం చేసుకుంది అనడంలో ఏ మాత్రం సందేహం లేదు. ఇక తాజాగా ఈ బ్యూటీ బాలీవుడ్ సినిమాలపైనా దృష్టి సారించినట్టు తెలుస్తోంది.
ఇక వివరాల్లోకి వెళితే, సోషల్ మీడియాలో తన హాట్ ఫొటోస్, పలు రకాల వీడియోలను షేర్ చేస్తూ ప్రేక్షకులను అలరించే సమంత, ఈ మద్య కొన్ని ఎమోషనల్ కోట్స్, పలు ఆసక్తికర ట్వీట్లతో అందర్నీ ఆశ్చర్య పరుస్తోంది. ఇక ఆమె శరీరాకృతిని మెరుగు పరుచుకోవడం కోసం తగిన వ్యాయామాలు చేస్తూ, ఆ వీడియోలను కూడా ఇన్స్టాలో పంచుకుంటోంది ఈ భామ. ఇక వర్కవుట్ల విషయానికొస్తే ఎంత కసిగా చేస్తుంటుందో ప్రత్యేకించి చెప్పనవసరం లేదు. గతంలోనే వంద కేజీల బరువులు ఎత్తేసి అందరినీ ఆశ్చర్యపరిచిన సమంతకు భారీ లెవల్లోనే అభిమానులను కూడగట్టుకుంది. అలాంటి సమంతకు వర్కవుట్లు చాలెంజ్ విసిరితే ఎలా ఉంటుందో ప్రత్యేకంగా చెప్పాల్సిన పని లేదు.
అయితే ఇటీవల నటి రకుల్ తన అటాక్ సినిమా ప్రమోషన్లలో భాగంగా ఓ వర్కవుట్ వీడియోను షేర్ చేసిన విషయం తెలిసిందే. కాగా దాన్ని అటాక్ ఛాలెంజ్గా వైరల్ చేసిన రకుల్, అందులో రకుల్ భారీ భారీ కసరత్తులు చేస్తూ వీడియోలు కూడా షేర్ చేసింది. అయితే ఇందులో రకుల్ , టైగర్ ష్రాఫ్, జాక్వెలిన్లకు ఈ చాలెంజ్లను విసిరగా, టైగర్ ష్రాఫ్ తన స్టైల్లో వర్కవుట్లు చేశాడు. తన భారీ దేహాన్ని ప్రదర్శినను కళ్ల ముందు నిలిపాడు. అనంతరం చాలెంజ్ ను సమంతకు విసిరడంతో ప్రస్తుతం ఈ వార్త నెట్టింట వైరల్గా మారింది. దీంతో అటాక్ చాలెంజ్ను స్వీకరించిన సమంత , తానేమీ తక్కువ కాదన్నట్టుగా అదిరిపోయే వర్కవుట్లతో అందరినీ ఆశ్చర్యపరిచింది.. తాజాగా వర్కవుట్ల వీడియోను కూడా షేర్ చేసింది.
ఆ తర్వాత ఈ ఛాలెంజ్లో భాగంగా సమంత , బాలీవుడ్ హీరో అర్జున్ కపూర్కు సవాలు చేసింది. మొత్తానికి ఇప్పుడు ఈ వర్కవుట్ల చాలెంజ్ మాత్రం బాలీవుడ్లో బాగానే చక్కర్లు కొడుతోంది. ఇది తిరిగి తిరిగి ఎవరి దగ్గరికి చేరుతుందో అని వీక్షకులు ఆతృతగా చూస్తున్నారు. కాగా సమంత ప్రస్తుతం యశోద సినిమా షూటింగ్తో బిజీగా ఉన్న విషయం తెలిసిందే.