స్టాఫ్ సెలక్షన్ కమిషన్ నిరుద్యోగులకు అదిరిపోయే తీపికబురు అందించింది. ఏకంగా 39 వేల ఉద్యోగాలతో జాబ్ నోటిఫికేషన్ ను విడుదల చేసింది. వేర్వేరు రక్షణ దళాల్లో కానిస్టేబుల్ ఉద్యోగ ఖాళీల భర్తీకి ఈ సంస్థ సిద్ధమైంది. అక్టోబర్ నెల 14వ తేదీ ఈ ఉద్యోగ ఖాళీలకు దరఖాస్తు చేసుకోవడానికి చివరి తేదీగా ఉంది. మొత్తం 39481 ఉద్యోగ ఖాళీలను ఈ జాబ్ నోటిఫికేషన్ ద్వారా భర్తీ చేయనున్నారు.
ఈ ఉద్యోగ ఖాళీలలో బోర్డర్ సెక్యూరిటీ ఫోర్స్ ఉద్యోగ ఖాళీలు 15,654 ఉండగా సెంట్రల్ ఇండస్ట్రియల్ సెక్యూరిటీ ఫోర్స్ లో 11,541 ఉద్యోగ ఖాళీలు సశస్త్ర సీమా బల్‌కు 819 ఉద్యోగ ఖాళీలు, ఇండో-టిబెటన్ బోర్డర్ పోలీస్ ఉద్యోగ ఖాళీలు 3017 ఉన్నాయి. అస్సామ్ రైఫిల్స్ కు సంబంధించి 1248 ఉద్యోగ ఖాళీలు ఉన్నాయని తెలుస్తోంది. ఈ ఉద్యోగ ఖాళీలతో పాటు ఇతర ఉద్యోగ ఖాళీలు ఉన్నాయని సమాచారం అందుతోంది.
23 సంవత్సరాల లోపు వయస్సు ఉన్నవాళ్లు ఈ ఉద్యోగ ఖాళీల కోసం దరఖాస్తు చేసుకోవచ్చు. రిజర్వ్డ్ కేటగిరీ అభ్యర్థులకు గరిష్ట వయోపరిమితిలో నిబంధనల ప్రకారం సడలింపులు ఉండనున్నాయి. జనరల్, ఓబీసీ అభ్యర్థులకు దరఖాస్తు ఫీజు 100 రూపాయలుగా ఉండగా ఎస్సీ, ఎస్టీ, మహిళలు, ఎక్స్-సర్వీస్‌మెన్ అభ్యర్థులకు ఎలాంటి దరఖాస్తు ఫీజు ఉండదని తెలుస్తోంది.
ssc.gov.in వెబ్ సైట్ ద్వారా ఈ ఉద్యోగ ఖాళీల కొరకు దరఖాస్తు చేసుకోవచ్చు. అధికారిక వెబ్ సైట్ ద్వారా ఈ ఉద్యోగ ఖాళీలకు సులువుగా దరఖాస్తు చేసుకునే అవకాశం అయితే ఉంటుందని చెప్పవచ్చు. కంప్యూటర్ బేస్డ్ టెస్ట్ ను నిర్వహించి ఫిజికల్ స్టాండర్డ్ టెస్ట్, ఫిజికల్ ఎఫిషియన్సీ టెస్ట్, మెడికల్ ఎగ్జామినేషన్ ద్వారా ఈ ఉద్యోగ ఖాళీలకు ఎంపిక ప్రక్రియ చేపడతారు.