కేంద్ర, రాష్ట్ర ప్రభుత్వాలు ఇప్పటికే ప్రజల కోసం పదుల సంఖ్యలో పథకాలను అమలు చేస్తున్నాయి. పెళ్లి ఖర్చులు అంతకంతకూ పెరుగుతున్న నేపథ్యంలో కొన్ని రాష్ట్ర ప్రభుత్వాలు ఆడపిల్లలకు ప్రయోజనం చేకూరేలా కొన్ని స్కీమ్స్ ను అమలులోకి తెస్తున్నాయి. తాజాగా ఝార్ఖండ్ ప్రభుత్వం ఓ విప్లవాత్మక పథకానికి శ్రీకారం చుట్టడం హాట్ టాపిక్ అవుతోంది. విధ్వ పునర్వివాహ్ ప్రోత్సాహన్ యోజన అనే పేరుతో ఈ స్కీమ్ అమలవుతోంది.
భర్త చనిపోయి ఒంటరిగా ఉన్న వితంతువులకు ప్రయోజనం చేకూర్చాలని ఈ స్కీమ్ ను అమలు చేస్తున్నారు. ఈ స్కీమ్ ద్వారా వితంతువులు 2 లక్షల రూపాయలు సులువుగా పొందే అవకాశాలు అయితే ఉంటాయి. భాగస్వామి దూరమైన వాళ్లు కూడా ఈ స్కీమ్ బెనిఫిట్స్ ను పొందవచ్చు. ఈ స్కీమ్ ద్వారా రెండో పెళ్లి చేసుకున్న వాళ్లకు సులువుగా 2 లక్షల రూపాయలు బ్యాంక్ ఖాతాలో జమవుతాయి.
అర్హత కలిగి ఉండటంతో పాటు వితంతువులు అయిన ప్రతి ఒక్కరూ ఈ స్కీమ్ బెనిఫిట్స్ ను పొందవచ్చు. భర్త డెత్ సర్టిఫికెట్ ను సబ్మిట్ చేయడంతో పాటు రెండో పెళ్లి రిపోర్ట్, మ్యారేజీ సర్టిఫికేట్‌ను అధికారులకు సబ్మిట్ చేయడం ద్వారా స్కీమ్ బెనిఫిట్స్ పొందవచ్చు. సెకండ్ మ్యారేజ్ చేసుకున్న ఏడాది లోపు ఈ స్కీమ్ కోసం దరఖాస్తు చేసుకునే అవకాశం అయితే ఉంటుందని చెప్పవచ్చు.
చాలామంది మహిళలు పెళ్లి తర్వాత రెండో పెళ్లిపై పెద్దగా దృష్టి పెట్టడం లేదు. ఈ స్కీమ్ ద్వారా అలాంటి మహిళలలో కొంతమంది అయినా మారే అవకాశం ఉంటుంది. బ్యాంక్ ఖాతాలో డైరెక్ట్ గా ఈ స్కీమ్ నగదు జమ కానున్న నేపథ్యంలో ఎలాంటి ఇబ్బందులు ఉండవు. స్థానికంగా ఉన్న అధికారులను సంప్రదించి ఈ స్కీమ్ పూర్తి వివరాలను తెలుసుకోవచ్చు.