త‌ల్లితో క‌లిసి కారులో వెళ్తోన్న ఓ రెండేళ్ల చిన్నారి దుర‌దృష్ట‌వ‌శావ‌త్తూ అందులో నుంచి రోడ్డు మీదికి జారిప‌డ్డ ఘ‌ట‌న ఇది. అమెరికాలోని మిన్నేసొటాలో చోటు చేసుకుంది. దీనికి సంబంధించిన వీడియో సోష‌ల్ మీడియాలో హ‌ల్‌చ‌ల్ చేస్తోంది. ఆ కారు వెన‌క‌ల వ‌స్తున్న మరో కారు డ్యాష్‌బోర్డులో అమ‌ర్చిన సీసీ కెమెరాలో ఈ ఘ‌ట‌న రికార్డ‌య్యింది.
మిన్నేసొటాలోని మ‌న్‌కోటా ర‌ద్దీ రోడ్డుపై కుడి వైపున‌కు కారు వేగంగా మ‌లుపు తిర‌గ‌డం, ఆ స‌మ‌యంలో ఎడ‌మ‌వైపు డోరు తెర‌చుకుని గులాబీ రంగు దుస్తులు ధ‌రించిన ఓ చిన్నారి సీటుతో స‌హా కిందికి జారిపోవ‌డం స్ప‌ష్టంగా క‌నిపిస్తుంది. ఆ చిన్నారి ప‌డిన కారు మాత్రం ఎక్క‌డా ఆగకుండా వెళ్లిపోవ‌డాన్ని మ‌నం చూడొచ్చు.
సీటుతో స‌హా కిందికి ప‌డిపోవ‌డం వ‌ల్ల ఆ పాప‌కు ఎలాంటి గాయాలూ త‌గల్లేదు. ఆ ఘ‌ట‌న మొత్తం.. ఛద్ ఛెద్ద‌ర్ మాక్ అనే వ్య‌క్తి కారు డ్యాష్ బోర్డులో అమ‌ర్చిన సీసీ కెమెరాలో రికార్డ‌య్యింది. ఈ వీడియోను మాక్.. ఫేస్‌బుక్‌లో పోస్ట్ చేశాడు.