ప్రతిరోజు అల్పాహారానికి ముందే ఆపిల్ జ్యూస్ ను సేవిస్తే సకల సంపూర్ణ ఆరోగ్యాన్ని పొందవచ్చునని వైద్యనిపుణులు స్పష్టం చేస్తున్నారు. ప్రతిరోజు యాపిల్ పండ్లను ఆహారంగా తీసుకున్నప్పుడు లభించే పోషకాలకన్నా అత్యధిక పోషక విలువలు పొందాలంటే ప్రతి రోజు ఉదయాన్నే ఖాళీ కడుపుతో ఆపిల్ జ్యూస్ సేవించాలని తాజా అధ్యయనాలు పేర్కొంటున్నాయి. ప్రతిరోజు పరగడుపునే ఆపిల్ జ్యూస్ ను సేవిస్తే కలిగే ఆరోగ్య ప్రయోజనాల గురించి ఇప్పుడు తెలుసుకుందాం.
ఈ చలికాలంలో అత్యధిక మందిని ఇబ్బంది పెట్టే శ్వాస సంబంధిత వ్యాధి అయిన ఆస్తమాను సమర్థవంతంగా ఎదుర్కోవాలంటే ప్రతిరోజు ఖాళీ కడుపుతో ఆపిల్ జ్యూస్ ను సేవిస్తే ఆస్తమా సమస్య నుంచి తక్షణ ఉపశమనం పొందవచ్చు. కారణం యాపిల్ పండ్లలో పుష్కలంగా ఉండే విటమిన్ సి, యాంటీ ఆక్సిడెంట్, యాంటీ మైక్రోబియన్ గుణాలు మనలో వ్యాధి నిరోధక శక్తిని పెంపొందించడంతో పాటు శ్వాస సంబంధిత ఇన్ఫెక్షన్లను తరిమికొట్టడంలో అద్భుతంగా సహాయపడుతుంది. యాపిల్ పండ్లలో పుష్కలంగా ఉండే విటమిన్ ఏ కంటి ఆరోగ్యాన్ని రక్షిస్తుంది. చర్మం సమస్యలను తగ్గించి చర్మాన్ని మృదువుగా కాంతివంతంగా ఉంచడంలో సహాయపడుతుంది.
జీర్ణ సంబంధిత వ్యాధులైన మలబద్ధకం, గ్యాస్ట్రిక్ వంటి సమస్యలతో బాధపడేవారు ఉదయాన్నే ఆపిల్ జ్యూస్ ను సేవిస్తే ఇందులో పుష్కలంగా ఉన్న పీచు పదార్థం జీర్ణక్రియ రేటును పెంచి జీర్ణ సంబంధిత సమస్యలను తొలగిస్తుంది.మన శరీరంలో చెడు కొలెస్ట్రాల్ పేరుకుపోవడం వల్ల గుండె సమస్యలు అతి బరువు సమస్య తలెత్తుతుంది. ఇలాంటి సమస్యలను అదుపులో ఉంచాలనుకుంటే ప్రతిరోజు యాపిల్ చేసిన తాగడం వల్ల వీటిలో పుష్కలంగా ఉంటే అమైనో ఆమ్లాలు, యాంటీ ఆక్సిడెంట్ చెడు కొలెస్ట్రాల్ను తగ్గించి సంపూర్ణ ఆరోగ్యాన్ని పెంపొందిస్తుంది. శరీరంలో క్యాన్సర్ కారకాలను తగ్గించడంలో ఆపిల్ పండ్లు అద్భుత ఔషధంగా పనిచేస్తాయి.