రెండు సెన్సేషనల్ హిట్ సినిమాల్లో నటించింది కన్నడ భామ శ్రీనిధి శెట్టి. మామూలుగా అయితే, ఆమెను టాలీవుడ్‌తోపాటు బాలీవుడ్ కూడా ఎగరేసుకుపోవాలి. ‘కేజీఎఫ్’ సిరీస్‌లో రెండు సినిమాలూ అంత గొప్ప విజయాలు సాధించాయ్ మరి.
కానీ, ఈ కన్నడ కస్తూరి మీద తెలుగు సినీ పరిశ్రమ అంతగా ఫోకస్ పెట్టలేదు. తమిళంలో ‘కోబ్రా’ అనే సినిమాలో ఆమె నటించిందిగానీ, ఆ సినిమా పెద్దగా ఆడలేదు. ఒక్క సినిమా ఫట్టయితే మాత్రం, ఆమెను అంత లైట్ తీసుకోవాలా.?
విషయమేంటంటే, టాలీవుడ్ నుంచి శ్రీనిధి శెట్టి వద్దకు ఓ మంచి ఆఫర్‌తో ఓ ప్రముఖ నిర్మాత, దర్శకుడు కూడా వెళ్ళారట. టాలీవుడ్‌కి చెందిన ఓ యంగ్ హీరోతో సినిమా కోసం ఆమెని ఇటీవల సంప్రదించారట.
కానీ, శ్రీనిధి శెట్టి అడిగిన రెమ్యునరేషన్ దెబ్బకి ఆ నిర్మాత, దర్శకుడు షాక్ అయ్యారట. ‘ఆమెని భరించడం కష్టం. రెమ్యునరేషన్ ఒక్కటే కాదు, ఆమె గొంతెమ్మ కోర్కెలు తీర్చడమూ కష్టమే..’ అంటున్నారట సదరు నిర్మాత, దర్శకుడు. ఆ సినిమాలో నటించనున్న హీరో మాత్రం, ఆమెను ఎలాగైనా టాలీవుడ్‌కి పరిచయం చేయాలనే ఆలోచనతోనే వున్నాడట.