ఒక అమ్మాయి అబ్బాయి మధ్య.. బంధం ఎప్పుడూ రహస్యాలతో నిండి ఉంటుంది. నిజంగానే ఆ అమ్మాయి తనను ఇష్టపడుతుందా.. అనే ప్రశ్న చాలా మందికి ఉంటుంది ఎప్పటికీ వెనుకాడనివ్వదు. ఇష్టమా కాదా అన్న గందరగోళం మనల్ని తికమకలో పడేస్తుంది. కానీ సైకాలజీ నిపుణుల అభిప్రాయం ప్రకారం, ఒకరికి మీపై నిజమైన ఇష్టం ఉందో లేదో తెలుసుకోవడానికి కొన్ని స్పష్టమైన సంకేతాలు ఉంటాయి. ఆ సంకేతాలను గమనిస్తే మీ కన్ఫ్యూజన్కు పూర్తి స్టాప్ పెట్టొచ్చు. ఈ కథనంలో దాని గురించి తెలుసుకుందాం.
చిన్నచిన్న విషయాలను గుర్తుపెట్టుకోవడం ఒక స్పష్టమైన సంకేతం. మీ ఫేవరెట్ కాఫీ, మీరు ఇటీవల వెళ్లిన ట్రిప్ లేదా మీరు సరదాగా చెప్పిన మాటలను ఎవరైనా మర్చిపోకుండా గుర్తుంచుకుంటే, వాళ్లు మీ మాటలకు విలువ ఇస్తున్నారని అర్థం. అదేవిధంగా, ఎప్పటికప్పుడు కాంప్లిమెంట్స్ ఇవ్వడం కూడా అభిమానానికి డైరెక్ట్ ఎగ్జాంపుల్. డ్రెస్సింగ్ స్టైల్, వర్క్ లేదా పర్సనల్ క్వాలిటీస్ని మెచ్చుకోవడం వాళ్ల నిజమైన ఆసక్తిని చూపిస్తుందని అర్థం.
మిమ్మల్ని సంప్రదించడానికి ముందుగానే చర్చలు మొదలు పెట్టడం కూడా ఒక హింట్. కేవలం టైమ్ పాస్ కోసం కాకుండా, నిజంగా కనెక్ట్ అవ్వాలని కోరుకునే వాళ్లే ఇలాంటి ఎఫర్ట్స్ పెడతారు. ఇంకా అడక్కుండానే హెల్ప్ చేయడం.. మీ కోసం తమ ప్లాన్స్ మార్చుకోవడం, సమస్యల సమయంలో సపోర్ట్గా నిలవడం ఇవన్నీ వాళ్లలోని కేరింగ్ నేచర్ను బయటపెడతాయి.
ఇంకా టైమ్ అనేది అత్యంత విలువైన గిఫ్ట్. ఈ బిజీ లైఫ్లో తమ పనులన్నీ పక్కనపెట్టి మీతో గడపాలని చూస్తే, వాళ్లకు మీరే ఫస్ట్ ప్రాధాన్యం అని చెప్పొచ్చు. అదేవిధంగా, వ్యక్తిగత విషయాలను షేర్ చేసుకోవడం కూడా గమనించదగ్గ విషయం. ఓపెన్గా తన అనుభవాలు, భావోద్వేగాలు చెప్పేవాళ్లు, మీపై నమ్మకం ఉంచుతున్నారని స్పష్టంగా అర్థమవుతుంది. అంతేకాదు, బాడీ లాంగ్వేజ్ కూడా కొన్ని విషయాలను చెబుతుంది. కళ్లలో కళ్లుచూసి మాట్లాడడం, మీవైపు లీన్ అవ్వడం, చిరునవ్వుతో రియాక్ట్ అవ్వడం.. ఇవన్నీ వారు మీతో కంఫర్టబుల్గా ఉన్నారని, మీపై ఆసక్తి చూపిస్తున్నారని సూచిస్తాయి.
సైకాలజిస్టులు చెబుతున్నవివరాల ప్రకారం.. ఈ చిన్న చిన్న సంకేతాలు కలిపి చూసుకుంటే పెద్ద క్లారిటీ వస్తుంది. నిజంగా మీపై ఆసక్తి ఉన్నవాళ్ల ప్రవర్తనలో ఎప్పుడూ ఒక పాజిటివ్ వైబ్ ఉంటుంది. మనుషుల మనసులను చదవడం కష్టమే అయినా.. ఈ సంకేతాలను గమనిస్తే ఎవరు మనల్ని ఇష్టపడుతున్నారో అర్థం చేసుకోవడం చాలా ఈజీ అవుతుంది.