రాష్ట్రపతి ద్రౌపది ముర్ము పుట్టినరోజు సందర్భంగా దేశం నలుమూలల నుంచి శుభాకాంక్షల వెల్లువెత్తాయి. నాయకులు, ప్రజా ప్రతినిధులు, అభిమానులు ఆమెకు సోషల్ మీడియా ద్వారా శుభాకాంక్షలు తెలుపుతున్నారు.. ఇక రాష్ట్రపతి పుట్టిన రోజు సందర్భంగా ఉత్తరాఖండ్‌లో జరిగిన ఓ చిన్న సంఘటన దేశ ప్రజల హృదయాలను తాకింది.
డెహ్రాడూన్‌లోని నేషనల్ ఇన్‌స్టిట్యూట్ ఫర్ ది ఎంపవర్మెంట్ ఆఫ్ పర్సన్స్ విత్ విజిబుల్ డిజెబిలిటీస్‌ వద్ద ఏర్పాటు చేసిన ఓ ప్రత్యేక కార్యక్రమంలో రాష్ట్రపతి పాల్గొన్నారు. అక్కడ అంధ విద్యార్థులు ఆమె పుట్టినరోజు సందర్భంగా ప్రత్యేకంగా తయారు చేసిన పాటను ఆలపించారు. సంగీతంతో కాదు… గుండెల్లోంచి వచ్చిన ఆ భావోద్వేగంతో ఆలపించి ఆ గీతం.. ముర్ము మనసుని తాకింది. ఆ పాట వినగానే ఆమె కన్నీళ్లు ఆపుకోలేకపోయారు. ఆ చిన్నారుల ప్రేమకు, వారి భావోద్వేగానికి ఆమె చలించిపోయారు.
కేవలం పుట్టినరోజు వేడుక కాదు.. రాష్ట్రపతి తమ చేతులమీదుగా అంధ విద్యార్థులకు కళ్లజోళ్లు పంపిణీ చేశారు. ఈ సందర్భంగా వారు చూపిన ప్రేమాభిమానాలు, స్వచ్ఛమైన శుభాకాంక్షలు ముర్ము గారికి గుండెను తాకాయి.
ఈ మధుర ఘట్టానికి సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. రాష్ట్రపతిని అలా భావోద్వేగంతో చూడడం అనేది అరుదైన దృశ్యం. ఆమె నిజమైన మానవత్వాన్ని ప్రతిబింబించిందని, ఇది ఓ అందమైన క్షణమని నెటిజన్లు కామెంట్లు చేస్తున్నారు. “ప్యూర్ హార్ట్”, “రియల్ ఇమోషన్”, “టచ్‌డ్ మై సోల్” వంటి పదాలతో నెటిజన్లు కామెంట్లు పెడుతున్నారు.