Nara Lokesh: మహిళల వన్డే ప్రపంచకప్లో భారత విజయంలో కీలక పాత్ర పోషించిన ఆంధ్రప్రదేశ్ యువ క్రికెటర్ శ్రీ చరణికి రాష్ట్ర ప్రభుత్వం ఘన సత్కారం చేసింది. ఈరోజు ఉండవల్లిలోని తన నివాసంలో ఐటీ, విద్యాశాఖ మంత్రి నారా లోకేశ్ స్వయంగా ఆమెను అభినందించి, ప్రభుత్వం ప్రకటించిన రూ. 2.5 కోట్ల నగదు ప్రోత్సాహక చెక్కును అందజేశారు.
భారీ నజరానాలు – గ్రూప్-1 ఉద్యోగం నగదు బహుమతితో పాటు శ్రీ చరణికి విశాఖపట్నంలో 500 గజాల నివాస స్థలాన్ని కూడా ప్రభుత్వం కేటాయించింది. అంతేకాకుండా, ఆమె డిగ్రీ పూర్తయిన వెంటనే గ్రూప్-1 స్థాయి ప్రభుత్వ ఉద్యోగం కల్పిస్తామని హామీ ఇస్తూ, ప్రభుత్వం ఇప్పటికే అధికారిక ఉత్తర్వులు జారీ చేసింది. రాష్ట్రంలో క్రీడాకారులను ప్రోత్సహించాలనే లక్ష్యంతోనే కూటమి ప్రభుత్వం ఈ నిర్ణయాలు తీసుకున్నట్లు అధికారులు వెల్లడించారు.
ప్రపంచకప్లో అద్భుత ప్రదర్శన కడప జిల్లాకు చెందిన శ్రీ చరణి, ఇటీవల జరిగిన మహిళల వన్డే ప్రపంచకప్లో సత్తా చాటింది. లెఫ్ట్ ఆర్మ్ స్పిన్నర్ అయిన ఆమె, ఈ టోర్నీలో మొత్తం 14 వికెట్లు పడగొట్టి భారత బౌలింగ్ విభాగంలో కీలక అస్త్రంగా మారింది. నవంబర్ 2న జరిగిన ఫైనల్లో దక్షిణాఫ్రికాను ఓడించి టీమిండియా తమ తొలి ఐసీసీ ప్రపంచకప్ టైటిల్ను సొంతం చేసుకున్న విషయం తెలిసిందే.
అభినందించిన మంత్రులు గత నెలలోనే ముఖ్యమంత్రి చంద్రబాబు నాయుడు శ్రీ చరణిని ప్రత్యేకంగా అభినందించి, ఈ వరాలను ప్రకటించారు. నేడు జరిగిన ఈ చెక్కు పంపిణీ కార్యక్రమంలో రవాణా మరియు క్రీడల శాఖ మంత్రి మండిపల్లి రాంప్రసాద్ రెడ్డి, శాప్ (SAAP) ఛైర్మన్ అనిమిని రవినాయుడు, క్రీడల శాఖ ప్రత్యేక ప్రధాన కార్యదర్శి అజయ్ జైన్ తదితరులు పాల్గొన్నారు.
