రాధాకృష్ణ రూటే సప”రేటు”

 

తన దుర్రాతలతో, దుష్టబుద్దితో జగన్ మీద విషం చిమ్మడానికి, అదే సమయంలో ప్రజలు ఛీకొట్టిన తన కులనాయకుడు చంద్రబాబును పైకి లేపడానికి అలవాటు పడిన నీచప్రాణి రాధాకృష్ణ తన వారాంతపు గరళవిసర్జనలో సరికొత్త కోణాలను ప్రదర్శించారు…జగన్ రూటే సపరేటు అంటూ…అంశాలవారీగా అవధరిద్దాము.

 

 

పాపం రాధాకృష్ణ…జగన్ యుక్తులతో మైండ్ బ్లాంక్ అయిపోయి దిగ్భ్రాంతి నుంచి కోలుకోలేకపోతున్నాడు.  మద్యం ధరలను పెంచడంలో ఇప్పుడు కొత్త ఏముందో రాధాకృష్ణకు తెలియడం లేదు.  తాను అధికారంలోకి వస్తే మద్యం ధరలను రెట్టింపు పెంచుతానని, ఆ విధంగా మద్యం పేదవారికి అందుబాటులో లేకుండా చేస్తానని తన పాదయాత్ర సమయంలోనే ప్రకటించిన విషయం రాధాకృష్ణ మట్టిబుర్ర మర్చిపోయింది.  జగన్ ఆలోచన ఒక్కరోజులోనే సత్ఫలితాలను ఇచ్చింది.  వైన్ షాపులు తెరిచిన రోజున ఎగబడి కొన్న మద్యప్రియులు మరునాడు పెరిగిన ధరలను చూసి గుండె ఠారెత్తిపోయి మద్యానికి దూరంగా ఉన్నారు.   

 

రాధాకృష్ణ తెలుసుకోవాల్సిన విషయం మరొకటి ఏమిటంటే, జపాన్ దేశంలో కార్మికులు యాజమాన్యానికి తమ నిరసన తెలియజేయాలనుకుంటే రోజుకన్నా మరో గంట ఎక్కువ పనిచేసి ఉత్పత్తిని పెంచుతారట.  ఆ పెరిగిన ఉత్పత్తికి డిమాండ్ లేక నష్టాలు వస్తాయన్న భయంతో యాజమాన్యం దిగివచ్చి కార్మికుల డిమాండ్స్ తీర్చుతాయట.  ఇక బ్రాండ్స్ గూర్చి రాధాకృష్ణ ప్రస్తావించారు.  అంటే…ఫలానా బ్రాండ్ మాత్రమే అమ్మాలని ఎక్కడైనా రూల్ ఉన్నదా?  రోజూ మార్కెట్ లోకి ఎన్ని కొత్త ఉత్పత్తులు రావడం లేదు?  ఇష్టమైన వాడు కొంటాడు లేకపోతె మానుకుంటాడు.  పాపం తెలుగుదేశం పార్టీవారి కంపెనీల  బ్రాండ్స్  దొరకడం లేదేమో?  అదే రాధాకృష్ణ ఏడుపుకు కారణం.  

మళ్ళీ కులాల రొచ్చులోకి జొరబడ్డాడు రాధాకృష్ణ.  చంద్రబాబు అధికారంలో ఉండగా కేవలం తన సామాజికవర్గం వారికే అన్ని రకాల పదవులు, ఉద్యోగాలు ఇచ్చి ఇతర సామాజికవర్గాలవారిని ఎంత నిర్లక్ష్యం చేశారో రాష్ట్రం మర్చిపోలేదు.  ముఖ్యంగా బ్రాహ్మణ సామాజికవర్గం అంటే విషం కక్కిన తెలుగుదేశం పార్టీ నాయకులు, కార్యకర్తల దురాగతాలు ఇంకా గుర్తున్నాయి.   

 

ఎస్సీలు ఎస్టీల్లో పుట్టాలని ఎవరు కోరుకుంటారు? అని ప్రశ్నించి ఆ వర్గాల మనసులను చంద్రబాబు క్షోభకు గురిచేశారు.  తోకలు కత్తిరిస్తా అని బెదిరించి నాయీబ్రాహ్మణులను అవమానించారు.  వంశపారంపర్య అర్చకులైన రమణదీక్షితులు లాంటివారిని నిర్దాక్షిణ్యంగా గెంటివేసి బ్రాహ్మణులను పరాభవించారు.  ఇక రాబోయే పదిహేనేళ్ళు మన కులం వారే అధికారంలో ఉండాలని ఆ మధ్య ఆత్మహత్య చేసుకున్న కోడెల శివప్రసాదరావు తమ కులసంఘం సభలో నోరుపారేసుకున్నారు.  కమ్మవాళ్ళు తలచుకుంటే జగన్ ను లేపేస్తారు అంటూ మొన్నే రాయపాటి సాంబశివరావు తన కులాహంకారాన్ని ప్రదర్శించారు. 

 

ఇక ముద్రగడ పద్మనాభం కాపులకు ఆరాధ్య నాయకుడు అని తెలిసీ కూడా ఆయనను, ఆయన కుటుంబాన్ని తీవ్రంగా హింసకు గురిచేశారు చంద్రబాబు.  ఒక్క తన సామాజికవర్గం వారిని తప్ప మిగిలిన అన్ని కులాలను చంద్రబాబు తన పాలనలో అవమానాలకు గురిచేసిన వైనం రాధాకృష్ణ మర్చిపోయి ఉండవచ్చు గాక….జనం మాత్రం మరువలేదు.  రాజకీయం అన్న తరువాత ఎవరి ఎత్తులు వారికి ఉంటాయి.  రాజకీయం అన్నది ఒక రణతంత్రం.  

ఒహోహోహో…ఏమి తెలివిడి?  ఏమి పరితాపం!!!  ప్రజాధనంతో ప్రత్యేకవిమానాలను వేసుకుని, పాతికమంది వందిమాగధులు వెంటరాగా ప్రపంచం మొత్తం విలాసపర్యటనలు చేసిన చంద్రబాబు పట్టుబట్టి మరీ పరిశ్రమలను, సంస్థలను తెచ్చారట!   తెలిసో తెలియకో మరొక రహస్యాన్ని కూడా రాధాకృష్ణ కక్కేశారు… అమరావతి ని రాజధానిగా చెయ్యడం ఆ రెండు జిల్లాలవారి ప్రయోజనాలకోసమే అని అంగీకరించారు.  ఆ రెండు జిల్లాల్లో మెజారిటీ వర్గం ఎవరిదో ఎవరికీ చెప్పాల్సిన పనిలేదు…సో…అమరావతి అనే భ్రమరావతి తన కులంవారికోసమే  అని మరోసారి స్పష్టం అయింది.

 

ఇక కులం అనేది ఆంధ్రప్రదేశ్ లో ప్రధాన సమస్య అని చంద్రబాబు గుర్తించలేదట!  ఎంత దారుణం?  రాజకీయాల్లో నలభై ఏళ్ల అనుభవం కలిగి, జీవిత చరమాంకంలోకి ప్రవేశించిన చంద్రబాబుకు ఎంత అవమానకరమైన స్టేట్మెంట్ ఇది!!! చంద్రబాబు కాలేజీలో చదువుతున్నప్పుడే తన కులం వాళ్ళను వెంటేసుకుని తిరిగేవాడు….తన కులం వాళ్ళతో కలిసి విశ్వవిద్యాలయంలోని కులచిచ్చు పెట్టిన ఘనుడు…పదునాలుగేళ్ళు ముఖ్యమంత్రిగా పనిచేసిన బాబుకు కులాల సమస్య తెలియదంటే….పృష్టంతో పగలబడి నవ్వాలి మరి!!!

హమ్మయ్య…ఇన్నాళ్లకు ఒక సత్యాన్ని రాధాకృష్ణ ఒప్పుకున్నాడు.  జగన్ తెలివైన వాడట…ఆ సంగతి రాష్ట్రం మొత్తం ఏనాడో గ్రహించి అసెంబ్లీలో ఎనభై శాతం సీట్లు కట్టబెట్టారు.  చంద్రబాబును తరిమికొట్టారు.  ఆనాడే జగన్ తెలివి ఏమిటో గ్రహించి ఉన్నట్లయితే ఈరోజు ఇంత కుమిలిపోయే అవసరం కలిగేది కాదేమో!  జగన్ మోడల్ ను మాత్రం ఇప్పటివరకు ఎవ్వరూ అనుసరించలేదట….రాధాకృష్ణ తెలుసుకోవాల్సిన ఒక పాఠం ఏమిటంటే…ఏ రంగంలో అయినా “ట్రెండ్ ఫాలోయర్స్”  ఉంటారు.  అలాగే “ట్రెండ్ సెట్టర్స్” ఉంటారు.  జగన్ రెండో రకం వారు అని రాధాకృష్ణ గ్రహించడం అవసరం.  

 

మద్యం ధరలను ఏకంగా 75 శాతం పెంచే విషయంలో ముందు వెనుక ఆలోచించకుండా, ”పెంచిన ధరలతో మందుబాబులకు షాక్‌ కొట్టాలి” అని చెప్పి మరీ ధరలు పెంచిన గడసరితనం జగన్మోహన్‌రెడ్డి సొంతం.

 

అబ్బాబ్బా.,..ఎంత కర్ణపేయంగా ఉన్నాయీ వాక్కులు!    శ్రీకృష్ణుడిని శిశుపాలుడు …. శ్రీరాముడిని రావణుడు…నరసింహుడిని హిరణ్యకశిపుడు స్తుతిస్తున్నట్లు లేదూ!!! వాహ్వా….అకారణంగా కేవలం కులగజ్జితో జగన్ ను  ద్వేషించే ఎవరికైనా ఈ గతి తప్పదేమో!  

ఏమైందయ్యోయ్ రాధాకృష్ణ…ఈరోజు తండ్రికొడుకులకు ఒకేసారి భజన చేస్తున్నావు?  వైఎస్సార్ బతికి ఉండగా ఏనాడైనా ఇలాంటి మాటలు రాశావా?  వైఎస్ ను అప్రతిష్ట పాలుచెయ్యడానికి ఎన్నెన్ని నీచపు రాతలు రాశావు?  నీలాంటి క్షుద్ర జర్నలిస్టుల కారణంగానే కదా “ఆ రెండు పత్రికలు” అని వైఎస్సార్ పదేపదే ఎత్తిపొడిచేవాడు!  మరి రాజశేఖరరెడ్డి లా ప్రజలపట్ల వివక్ష చూపించకుండా చంద్రబాబు కూడా పాలనచేసి మరోసారి గెలవొచ్చు కదా!  ఎందుకు చంద్రబాబుకు సలహా ఇవ్వలేదు?  

పాపం..చంద్రబాబు గారు రాధాకృష్ణ చెత్తపలుకును చదువుతారో లేదో తెలియదు…చంద్రబాబు ఉభయభ్రష్టత్వానికి కారణాలు కనుగొన్న రాధాకృష్ణకు అభినందనలు.   మొత్తానికి పదునాలుగేళ్ళు ముఖ్యమంత్రిత్వం వెలగబెట్టినా..చంద్రబాబు ఒక మోడల్ కాలేదు….మోడల్ లేదు…అంతేకాదు…మోరల్ లేదు అంటే ఇంకా సరిపోయేది!  

నాకు తెలియక అడుగుతాను రాధాకృష్ణా….పుష్కరాల ప్రారంభదినాన…చంద్రబాబు ప్రచారపిచ్చితో ముప్ఫయి మంది తొక్కిసలాటలో మరణించారు.  సుమారు రెండున్నర ఏళ్ళక్రితం కృష్ణానది పడవ ప్రమాదంలో ఇరవై రెండుమంది మరణించారు…అప్పుడు చంద్రబాబు ప్రభుత్వం ఆత్మరక్షణలో పడిందా?  అలాగే తూర్పుగోదావరి జిల్లాలో నగరం గ్రామంలో గ్యాస్ లీకై ఐదుగురో ఆరుగురో మరణిస్తే చంద్రబాబు ఆత్మరక్షణలో పడ్డారా?  మొన్న ఔరంగాబాద్ లో రైలు ప్రమాదం జరిగి పదిహేనుమంది మరణించారు.  కేంద్రం ఆత్మరక్షణలో పడిందా?  ప్రమాదాలు జరిగినపుడు ఎంత సత్వరం స్పందించాము బాధితులకు ఎంత వేగంగా సాంత్వన కలిగించాము అనేది ప్రధానం తప్ప శవరాజకీయాలు చెయ్యడం, తద్వారా లబ్ది పొందాలనుకోవడం నేరం కాదా?  

మొత్తానికి చూస్తే…రాధాకృష్ణ కళ్ళకు కమ్మిన పొరలు కరుగుతున్నట్లున్నాయి….జగన్ కు వ్యతిరేకంగా ఎంత విషం చిమ్మినా నమ్మే నాధుడు లేదని, చంద్రబాబుకు ఎంత జాకీలేసి లేపినా పైకి లేచే అవకాశం లేదని రాధాకృష్ణ గ్రహించినట్లున్నాడు!  అయినా నమ్మటానికి  మనం అంత వెర్రివాళ్ళం కాదు కదా…ఎంత ముసలిది అయినా సర్పానికి కాటువేసే బుద్ది పోతుందా?  చావబోతున్న నక్కసైతం దూరంలో కాస్త మాంసం కనిపిస్తే కొరకాలనే కోరుకుంటుంది!