సినిమావాళ్ళలో కొందరికి భలే అతి తెలివి తేటలు ఉంటాయి. తమ సినిమాని ప్రమోట్ చేసుకోవటానికి వాళ్ళు రకరకల స్కెచ్ లు వేస్తూంటారు. అలాంటిదే ఇప్పుడు ఇక్కడ చూడబోయే టీజర్. ప్రముఖ నటి శ్రీదేవి మృతిని గుర్తు చేస్తూ సాగే ఈ టీజర్ …ఆమె మృతిని క్యాష్ చేసుకుందామనే ఆలోచనతో చేసినట్లు అనిపిస్తుంది. వివరాల్లోకి వెళితే..
కన్ను కొట్టి ప్రపంచాన్ని తనవైపునకు తిప్పుకొన్న మలయాళీ ముద్దుగుమ్మ ప్రియా ప్రకాశ్‌ వారియర్‌. ఆమె నటించిన తొలి బాలీవుడ్‌ చిత్రం ‘శ్రీదేవి బంగ్లా’. ఈ చిత్ర ట్రైలర్‌ విడుదలైంది.
https://www.youtube.com/watch?time_continue=109&v=5OC5vh1ioks
ప్రశాంత్‌ మాంబుల్లి దర్శకత్వం వహించిన ఈ సినిమాలో ప్రియా పాత్ర పేరు శ్రీదేవి. ఓ చిన్న పిల్లకి ఆటోగ్రాఫ్‌ ఇస్తున్న సన్నివేశంతో ట్రైలర్‌ మొదలైంది. ‘మీకు ఇష్టమైన నటి ఎవరు’ అని ఆ చిన్నారి అడగ్గా.. ‘నాకు ఇష్టమైన నటి నేనే..’ అని ప్రియా అంటారు.
ఇందులో ఆమె రీల్‌ లైఫ్ హీరోయిన్‌గా నటించారు. ‘ఓ నటిగా నేను చాలా అదృష్టవంతురాలిని. నాకు జీవితంలో దేవుడు అన్నీ ఇచ్చాడు. పేరు, డబ్బు, సంతోషం అన్నీ ఇచ్చాడు. ప్రపంచంలో ఎక్కడికి వెళ్లినా నాకు అభిమానులు ఉన్నారు. కానీ..’ అన్న డైలాగ్‌ వినిపిస్తున్న సమయంలో కాలింగ్‌ బెల్‌ మోగుతుంది. ఆ తర్వాత ప్రియా ఓ పక్క ఏడుస్తూ మరోపక్క మద్యం తాగుతున్నట్లు కన్పించారు. చివర్లో బాత్‌టబ్‌లో ఓ శవం కాళ్లు చూపించడంతో సినిమాపై అంచనాలను పెంచేస్తోంది.