బిగ్ బ్రేకింగ్: రేవంత్ పై ఐటి దాడులు, స్కెచ్ ఇదే

రేవంత్ రెడ్డి ఇంటిపై ఇంటిపై ఐటీ దాడులు జరుగుతున్నాయి. ఈ దాడులు జరుగుతున్న నేపథ్యంలో కొన్ని కీలక విషయాలు బయటకు వచ్చాయి. ఈ దాడులకు ముందే ప్లాన్ రెడీ అయినట్టుగా తెలుస్తోంది. ఆ వివరాలు కింద ఉన్నాయి చదవండి.

ఢిల్లీ నుంచి వారం రోజుల క్రితమే ఇన్‌క‌మ్‌ట్యాక్స్‌ (ఐటి) ప్రతినిధి బృందం హైదరాబాద్ వచ్చింది. అప్పుడే వచ్చి డీజీపీకి రిపోర్ట్ చేసింది. రేవంత్ రెడ్డి ఆస్తులపైన ఐటి దాడులు చేయబోతున్నట్టు స్టేట్ డీజీపీకి సమాచారం ఇచ్చింది. ఏ క్షణంలోనైనా రేవంత్ ఇంటిపై దాడులు జరుగుతాయన్న చర్చ రాజకీయ వర్గాల్లో జరిగింది. ఈ నేపథ్యంలో రేవంత్ ఆస్తులు, కుటుంబ సభ్యుల ఆస్తులు, బంధువుల ఆస్తుల వివరాలు సేకరించింది ఐటి బృందం.

అయితే కుటుంబ సభ్యులతో కలిసి నిన్న తిరుపతి దర్శనానికి వెళ్లారు రేవంత్. అక్కడి నుండి డైరెక్ట్ గా కొడంగల్ వెళ్లారు. ఈరోజు కొడంగల్ లో ప్రచారం చేయనున్నారు రేవంత్. ఈ నేపథ్యంలోనే హైదరాబాదులో జూబ్లీ హిల్స్ లోని రేవంత్ ఇంటిపై 15 మంది ఐటి అధికారుల బృందం దాడులు జరుపుతున్నది. ప్రస్తుతం హైదరాబాద్ రేవంత్ నివాసంలో కుటుంబ సభ్యులు ఎవరూ లేరు. అందరూ కొడంగల్ లో ఉన్నారు. కొడంగల్ లో కూడా ఐటీ సోదాలు నిర్వహిస్తున్నారు అధికారులు. మరిన్ని వివరాలు తెలియాల్సి ఉంది.

ఇది బీజేపీ, టీఆరెస్ కుట్రగా ఆరోపిస్తున్నారు రేవంత్ అనుచరులు. జగ్గారెడ్డిని జైలుకి పంపిన నేపథ్యంలో రేవంత్ పైన కూడా ఇలాంటి కుట్ర జరుగుతుందని ముందే ఊహించాము అంటున్నారు. రాజకీయంగా ఎదుర్కొనలేకనే అధికార పార్టీ కుట్రలు పన్నుతోందని రేవంత్ వర్గాలు ఆగ్రహిస్తున్నాయి.