ప్రకాశం జిల్లా, త్రిపురాంతకం మండలం, దూపాడు గ్రామంలోని డాక్టర్ బీఆర్ అంబేడ్కర్ బాలికల గురుకుల పాఠశాలను రాష్ట్ర మంత్రివర్యులు డోలా బాల వీరాంజనేయ స్వామి గారు నేడు ఆకస్మికంగా తనిఖీ చేశారు.
విద్యార్థులతో ముఖాముఖి: తనిఖీ అనంతరం మంత్రి డోలా బాల వీరాంజనేయ స్వామి గారు పాఠశాల విద్యార్థినులతో నేరుగా ముఖాముఖి నిర్వహించారు. ఈ సందర్భంగా విద్యార్థుల సమస్యలను అడిగి తెలుసుకున్నారు. పాఠశాల అభివృద్ధికి, విద్యార్థులకు మెరుగైన వసతులు కల్పించడానికి కృషి చేస్తానని మంత్రి హామీ ఇచ్చారు.
సాదర స్వాగతం: ఈ పర్యటన సందర్భంగా, యర్రగొండపాలెం నియోజకవర్గం టీడీపీ ఇంచార్జ్ గూడూరి ఏరిక్షన్ బాబు గారి ఆదేశాల మేరకు మంత్రి గారికి దూపాడు గ్రామ సర్పంచ్ ఎనిబేర అనూష గారు సాదర స్వాగతం పలికారు.
పాల్గొన్న నాయకులు: ఈ కార్యక్రమంలో ఒంగోలు పార్లమెంట్ అధికార ప్రతినిధి ఆళ్ళ నాసర్ రెడ్డి గారు, మండల అధ్యక్షులు మేకల వలరాజు గారు, మండల నాయకులు, కార్యకర్తలు తదితరులు పాల్గొన్నారు. పాఠశాల అభివృద్ధిపై మంత్రి దృష్టి సారించడం పట్ల స్థానిక నాయకులు, విద్యార్థుల తల్లిదండ్రులు హర్షం వ్యక్తం చేశారు.
