పవన్ కళ్యాణ్ ను మళ్ళీ హీరోగా చూడలేమా ?
జనసేనాని పవన్ కళ్యాణ్ మళ్ళీ సినిమాలు చేయబోతున్నాడని వార్తలు ఇప్పుడు సోషల్ మీడియాలో హల్ చల్ చేస్తున్నాయి .పవన్ మొన్న జరిగిన ఆంధ్ర ప్రదేశ్ సార్వత్రిక ఎన్నికల్లో జనసేన పార్టీ తరుపున పార్లమెంట్ అభ్యర్థులు , శాసన సభ అభ్యర్థులను నిలబెట్టారు గాజువాక భీమవరం లో పవన్ స్వయంగా శాసన సభకు పోటీచేసి రెండు స్థానాల్లో ను పరాజయం చెందాడు . జనసేన పార్టీ అభ్యర్థుల్లో ఒక్క రాజోలు నియోజక వర్గం నుంచి శాసన సభ్యుడుగా రాపాక వరప్రసాద్ మాత్రమే గెలుపొందాడు .
నాదెండ్ల మనోహర్, జె .డి లక్ష్మి నారాయణ లాంటివారు ఓటమిపాలయ్యారు . ఒకరకంగా ఇది పవన్ కళ్యాణ్ కు ఊహించని దెబ్బ . ఒకవైపు తెలుగు దేశం , మరోవైపు వై .ఎస్ .ఆర్ . కాంగ్రెస్ పార్టీ ఇక భారతీయ జనతా పార్టీ , కాంగ్రస్ పార్టీలతో పవన్ పోటీపడ్డారు .
జనసేన పార్టీ తరుపున ప్రజా సమస్యలపై పోరాటం చేస్తామని , ఎలాంటి పరిస్థితుల్లో రాజకీయాలను వదిలిపెట్టమని చెప్పాడు . అమరావతిలో ఒక ఇల్లు నిర్మించుకొని ప్రజలకు , కార్యకర్తలకు అందుబాటులో ఉంటున్నాడు .
అయితే మళ్ళీ ఎన్నికలు దరిదాపుల్లో లేవు కాబట్టి పవన్ సినిమాలు చేస్తే అభిమానులు హర్షిస్తారు , నిర్మాతలు సంతోషిస్తారు అనుకున్నారు . పవన్ ను అభిమానించే కొంతమంది నిర్మాతలు అమరావతి వెళ్లి పవన్ తో సినిమాల ప్రస్తావన తెచ్చినట్టు తెలిసింది . అయితే పవన్ మాత్రం మళ్ళీ సినిమాకి వచ్చే ఆలోచన లేదని వారికి స్పష్టంగా చెప్పాడట . “ప్రజలకు సేవ చెయ్యాలనే ఉద్దేశ్యంతో జనసేన పార్టీ పెట్టాను . ఎన్నికల్లో పోటీ చేశాను .. ప్రజలు నన్ను ఆశీర్వదించలేదు . అంతమాత్రాన వారిని వదిలేసి నేను సినిమాలు ఎలా చేస్తాను . దయచేసి నన్ను .. ఇబ్బంది పెట్టకండి “అని చెప్పినట్టు తెలుస్తుంది .
పవన్ నటించకపోయినా నిర్మాతగా వుంది సినిమాలు తీస్తాడు .. అందుకు ఏర్పాట్లు జరుగుతున్నాయి అనే వార్తలో కూడా నిజం లేనట్టు తెలిసింది . పవన్ ప్రస్తుతం తన పూర్తి సమయాన్ని రాజకీయాలకే కేటాయించినట్టు తెలుస్తుంది . తన అన్న ప్రజారాజ్యం పార్టీ పెట్టి కాంగ్రెస్ పార్టీలో కలిపేశాడు . ఆ చేదు అనుభవమ్ తన విషయంలో జరగకూడదని పవన్ జాగ్రత్త పడుతున్నాడు .
జగన్ మోహన్ రెడ్డి కొత్తగా రాష్ట్రానికి ముఖ్యమంత్రి అయ్యాడు కాబట్టి కొంతకాలం ఆయన పరిపాలన చూసిన తరువాత స్పందిద్దాం అనే ఆలోచనతో వున్నాడట . ప్రస్తుతము , రాష్ట్రము ,దేశంలో జరుగుతున్నా రాజకీయ పరిణామాలను పవన్ అధ్యయనం చేస్తున్నాడట .