Home Andhra Pradesh చంద్ర బాబు రాజకీయ వ్యూహం నెరవేరింది 

చంద్ర బాబు రాజకీయ వ్యూహం నెరవేరింది 

నందమూరి హరికృష్ణ హఠాత్తుగా రోడ్ ప్రమాదంలో మరణించడం చంద్ర బాబుకు వరంగా మారిందని రాజకీయ విశ్లేషకులు భావిస్తున్నారు . నందమూరి కుటుంబంలో అధికారం కోసం పురందరేశ్వరి , హరికృష్ణ ఆరాట పడ్డారు . అయితే బాబుకు దగ్గుబాటి వచ్చిన విభేదాలతో పురందేశ్వరి కాంగ్రెస్ పార్టీలోకి వెళ్ళిపోయింది . ఈ నేపథ్యంలో చంద్ర బాబు బాలకృష్ణ కూతురు బ్రాహ్మణిని తన కోడలుగా చేసుకొని బావమరిది బాలకృష్ణను శాసన సభ్యుడుగా చేశాడు . మిగిలింది హరికృష్ణ ,ఆయన కుమారుడు తారక రామారావు. 2009 ఎన్నికల ముందు హరికృష్ణకు రాజ్య సభ టికెట్ ఇచ్చి గెలిపించాడు . జూనియర్ ఎన్టీయార్ ను ప్రచారానికి వాడుకొని వదిలేచాడు .తెలంగాణ ఉద్యమం సందర్భంగా  హరికృష్ణ  తన పదవికి రాజీనామా చేశాడు . అప్పటినుంచి హరికృష్ణ , జూనియర్ ఇద్దరు దూరంగానే వుంటున్నారు . కంటి తుడుపుగా హరికృష్ణకు పొలిట్ బ్యూరో సభ్యుడని అన్నారు . కానీ హరికృష్ణ  ఎప్పుడు సమావేశాలకు వెళ్ళలేదు . మొన్న విజయవాడలో జరిగిన  మహానాడుకు కూడా హరికృష్ణ డుమ్మా కొట్టాడు . చంద్రబాబుతో విసిగిపోయిన హరి కృష్ణ 

వై ఎస్ ఆర్  కాంగ్రెస్ పార్టీలో చేరతాడనే వార్తలు బలంగా వినిపిస్తున్నాయి . జూనియర్ కు అత్యంత  సన్నిహితుడైన కొడాలి నాని ప్రోత్సాహం తో హరికృష్ణ ,జూనియర్ ఇద్దరు ఆ పార్టీలో చేరేందుకు రంగం సిద్ధమైందని విశ్వసనీయ సమాచారం. మరోవైపు పురందరేశ్వరి , ఆమె కుమారుడు ఇద్దరు కూడా వై ఎస్ ఆర్  కాంగ్రెస్ పార్టీలో చేరతారని జగన్ కూడా గ్రీన్ సిగ్నల్ ఇచ్చాడని ప్రచారం కూడా జరుగుతుంది . అందుకే జగన్ పాద యాత్ర సందర్భంగా కృష్ణ జిల్లా నిమ్మకూరు వెళ్ళినప్పుడు ఆజిల్లాకు నందమూరి తారక రామా రావు పేరుపెడతానని ప్రకటించాడు .  జగన్ కు ప్రజల్లో  పట్టు వస్తుందని , ఆ సానుభూతి ఓట్లుగా మారితే ప్రమాదమని చంద్ర బాబు గ్రహించాడు . ఇక భారతీయ జనతా పార్టీతో వున్న బంధం కూడా తెగిపోయింది . గత కొన్నాళ్లుగా చంద్ర బాబు చాలా అసహనంగా ఉండటానికి కారణం వచ్చే ఎన్నికల్లో తెలుగు దేశం పార్టీ విజయాలపై ఆయనకు నమ్మకం సన్నగిల్లడమే . 

ఈ పరిస్థితుల్లో హరికృష్ణ చనిపోయాడు . ఇంతకాలం హరికృష్ణను, జూనియర్ ను పట్టించుకోని చంద్ర బాబు ఈ అవకాశాన్ని పూర్తిగా ఉపయోగించుకున్నాడు . రెండు రోజుల పాటు బాబు హైదరాబాద్ లోనే  ఉండి  రాజకీయ వ్యూహం పకడ్బందిగా  అమలు చేశాడు. 

నందమూరి కుటుంబానికి తాను  ఎంతో సన్నిహితమని చెప్పడానికే హరికృష్ణ పాడే మోశాడు . అంతేకాదు హరికృష్ణ భౌతిక కాయం వున్న వాహనంలో  గంటన్నర పాటు నుంచొని మహాప్రస్థానం వరకు వెళ్ళాడు . దగ్గర ఉండి కర్మకాండ జరిపించాడు . ఈ విధంగా తెలుగు ప్రజలు తన మనసులో వున్న పథకాన్ని సందేశం రూపంలో అందించాడు . 

తనకు ఎదురు నిలబడే హరికృష్ణ లేడు . తండ్రి లేని తరువాత జూనియర్ వై ఎస్ ఆర్  కాంగ్రెస్ పార్టీ వైపు వెళ్ళడు . ఒక్క పురందేశ్వరి ఏ పార్టీలోకి వెళ్లినా చంద్ర బాబు లెక్క చేయడు . కాబట్టి చంద్ర బాబుకు ఇప్పుడు అడ్డు లేదు . తెలుగుదేశం పార్టీ పై పూర్తి పట్టు వచ్చేసింది . బాలకృష్ణ తన వెనుక ఎలాగూ వున్నాడు . 

తెలుగు దేశం పార్టీని స్వర్గీయ నందమూరి తారక రామారావు 1982లో స్థాపించాడు . 1983లో రామారావు ముఖ్యమంత్రిగా అధికారంలోకి వచ్చాడు . 1984లో నాదెండ్ల భాస్కరరావు రామారావు అమెరికా వెళ్లిన సందర్భంగా తాను  ముఖ్యమంత్రి పదవిలో కూర్చున్నాడు . భాస్కరరావును దించడానికి అందరు ఏకమయ్యారు . 1995 ఆగస్టులో చంద్ర బాబు నాయుడు తన మామ రామారావును పార్టీ నుంచి, ప్రభుత్వం నుంచి తప్పించి ముఖ్య మంత్రి అయ్యాడు . ఆ భాధ తో రామారావు 1996 జనవరి 18న చనిపోయాడు . చంద్ర బాబు అసలు రూపం హరికృష్ణను అర్థమైంది . అన్న తెలుగు దేశం పార్టీ పెట్టి పోరాడాలని అనుకున్నాడు . కానీ విజయం సాధించలేదు . తాత్కాలికంగా బావతో రాజీపడ్డాడు . అప్పటినుంచి  నందమూరి కుటుంబానికి నారా కుటుంబానికి మధ్య రాజకీయ పోరాటం జరుగుతూనే వుంది .  ఇక హరికృష్ణ మరణించడంతో తెలుగు దేశం పార్టీ నారా కుటుంబ ఆస్తి అయిపొయింది . ఏమైనా చంద్ర బాబు నాయుడు రాజకీయ చాణిక్యుడు 

 

- Advertisement -

Related Posts

‘గల్లా సార్ వెళ్లిపోతా అంటున్నారు’ చంద్రబాబుకి బిగ్ బ్యాడ్ న్యూస్ అందింది

ఓటమి షాక్ నుండి తేరుకుంటున్న క్రమంలో తెలుగుదేశం పార్టీకి నేతలు వరుస షాక్స్ ఇస్తున్నారు.  ఇప్పటికే ముగ్గురు ఎమ్మెల్యేలు వైసీపీలోకి వెళ్లిపోయారు.  ఇక గెలిచిన ముగ్గురు ఎంపీలు తలోదిక్కు అన్నట్టు ఉన్నారు.  కేశినేని నాని,...

‘అదేంటి ఇలా జరిగింది’ నమ్మలేకపోతోన్న దేవినేని ఉమ

దేవినేని ఉమామహేశ్వరరావు.. టీడీపీలో ప్రముఖమైన వ్యక్తి.  దశాబ్ద కాలంపాటు తెలుగుదేశంలో ఈయన మాట వేదవాక్కుగా చెలామణీ అయింది.  రాజకీయ నేపథ్యం ఉన్న కుటుంబం నుండి వచ్చిన దేవినేని ఉమా కృష్ణా జిల్లా రాజకీయాల్లో కీలకమైన వ్యక్తిగా మారిపోయారు. ...

తిరుపతిలో కొడితే రాష్ట్రం మొత్తం టీడీపీ క్లోజ్.. ఇదే జగన్ ప్లాన్ 

సార్వత్రిక ఎన్నికల తర్వాత వస్తున్న ఉపఎన్నికలు కావడంతో తిరుపతి లోక్ సభ బై ఎలక్షన్ల మీద అన్ని పార్టీలు తీవ్రంగా కసరత్తులు చేస్తున్నాయి.  సర్వ శక్తులను కూడగట్టుకుని బరిలోకి దిగుతున్నాయి.  ఇప్పటికే చంద్రబాబు నాయుడు పనబాక లక్ష్మిని అభ్యర్థిగా...

బైరెడ్డి అన్న ఆ మాటకు నానియే షాకయ్యారు..జగన్‌ చెవినపడితే ఎమన్నా ఉందా ?

వైఎస్ జగన్ ప్రతిపక్షంలో ఉండగా సొంత పార్టీ నేతలకు నిత్యం అందుబాటులో ఉండేవారు.  ప్రతిఒక్కరితోనూ వ్యక్తిగతంగా టచ్లో ఉండేవారు.  కానీ సీఎం అయ్యాక.. కనీసం ముఖం చూపించే టైం కూడ లేకుండాపోయింది ఆయనకు.  పాలనలో...

Latest News