పవన్ కళ్యాణ్ మళ్ళీ విడాకుల బాట పట్టారట. ఈసారి ప్రస్తుత భార్య అన్నా లెజ్నెవాతో పొసగక, విడాకుల కోసం కోర్టును ఆశ్రయించారట. అలాగని ఓ ‘కోర్టు ఫైల్’ ఒకటి సోషల్ మీడియాలో వైరల్ అవుతోంది. అయితే, ఇదంతా ఫేక్ అని పవన్ కళ్యాణ్ అభిమానులు అంటున్నారు.
విషయంలో నిజమెంత.? అని ఆరా తీస్తే, దీన్ని కేవలం ఫేక్ వ్యవహారంగానే నిరూపితమవుతోంది. అయితే, ఈ ఫేక్ వ్యవహారాన్ని ప్రచారంలోకి తెచ్చిందెవరు.? ఇంకెవరు తెస్తారు, వైఎస్సార్ కాంగ్రెస్ పార్టీనే.. అన్నది చాలామంది అభిప్రాయం. నిజానికి, ఇలాంటి సిల్లీ ట్రిక్స్ ప్లే చేయడంలో టీడీపీ తర్వాతే ఎవరైనా.!
టీడీపీ అధినేత చంద్రబాబుతో జనసేన అధినేత పవన్ కళ్యాణ్ రెండ్రోజుల క్రితమే భేటీ అయ్యారు. చంద్రబాబుని కుప్పంలో జరిగిన గలాటా విషయమై పరామర్శించారు పవన్ కళ్యాణ్. అలాంటప్పుడు, పవన్ మీద ఈ దుష్ప్రచారం టీడీపీ ఎలా చేయగలుగుతుంది.? అదే మరి, టీడీపీ మార్కు మ్యాజిక్ అంటే.
ఓ ప్రముఖ న్యూస్ చానల్ ద్వారా గతంలో ఓ సినీ నటి చేత తిట్టించింది స్వయానా టీడీపీనే.. అంటారు చాలామంది. కాదు కాదు, అది వైసీపీ అంటారు మరికొందరు. ఎవరి గోల వారిదే.
టీడీపీ – జనసేన మధ్య పొత్తు ప్రచారం జరుగుతున్న సమయంలో మూడో విడాకుల పుకారు వైసీపీ సృష్టించడానికే అవకాశాలెక్కువ. కానీ, టీడీపీ వెన్నుపోటు రాజకీయాల్ని తక్కువగా చూడలేం ఇక్కడ. ఇంతకీ, ఈ ప్రచారంపై జనసేన అధినేత ఎలా స్పందిస్తారు.? మామూలుగా అయితే, ఆయన ఇలాంటివి పట్టించుకోరు.
కానీ, ప్రజా జీవితంలో వున్నారు గనుక.. గతంలో రెండు సార్లు విడాకుల అపప్రధ తన మీద వుంది గనుక.. తప్పదు, జనానికి పవన్ కళ్యాణ్ వివరణ ఇచ్చుకోవాల్సిందేనేమో.!