ఢిల్లీ అసెంబ్లీ ఎన్నికల ఫలితాలు దేశ రాజకీయ వర్గాల్లో హాట్ టాపిక్ గా మారుతున్నాయి. కూటమి సహాయం అవసరమైతే అన్ని పార్టీల నేతలు ఒకటి కావడంతో బీజేపీకి మరింత బూస్ట్ ఇచ్చింది. అయితే ఢిల్లీ విజయానికి ఏపీ సీఎం చంద్రబాబు ప్రచారం కూడా ఓ కారణమా అనే ప్రశ్నలు తెరపైకి వచ్చాయి. ఎన్నికల ప్రచారంలో చంద్రబాబు చేసిన సభలు బీజేపీ అభ్యర్థులకు ఊతమిచ్చాయనే ప్రచారం బలపడుతోంది. ముఖ్యంగా షాదారా, విశ్వాస్ నగర్, సంగం విహార్ వంటి తెలుగు ప్రజలు ఎక్కువగా ఉన్న ప్రాంతాల్లో ఆయన ప్రసంగాలు జరిపిన సంగతి తెలిసిందే.
ఇదే సమయంలో మహారాష్ట్రలో పవన్ కళ్యాణ్ బీజేపీకి మద్దతుగా ప్రచారం నిర్వహించడం అక్కడ పాజిటివ్ ఫలితాలు ఇచ్చినట్లు చెబుతున్నారు. మహారాష్ట్రలో తెలుగువారిపై చేసిన ప్రసంగాలు స్థానికంగా వైరల్ అయ్యాయి. అక్కడ బీజేపీ విజయం సాధించడంలో పవన్ ప్రచారం కూడా కీలక పాత్ర పోషించిందనే అభిప్రాయం వ్యక్తమవుతోంది. ఢిల్లీలో చంద్రబాబు ప్రచారం చేసిన నియోజకవర్గాల్లో బీజేపీ ముందంజలో ఉండటంతో, ఇప్పుడు ఆ ప్రభావంపై చర్చ జోరందుకుంది.
బీజేపీ నేతలు కూడా ఈ రెండు ప్రచారాలను విజయానికి కారణంగా ప్రస్తావించుకుంటున్నారు. చంద్రబాబు తన ప్రసంగాల్లో బీజేపీ అభివృద్ధి కార్యక్రమాలను హైలైట్ చేయడం, గత ప్రభుత్వ వైఫల్యాలను ప్రజలకు గుర్తుచేయడం బీజేపీకి ఉపయోగపడిందని విశ్లేషకులు చెబుతున్నారు. తెలుగు ప్రజలు ఎక్కువగా ఉన్న ప్రాంతాల్లో చంద్రబాబు పేరు ఇప్పటికీ గుర్తుండేలా ఉన్నందున, అతని ప్రచారం బీజేపీకి కలిసొచ్చిందని అభిప్రాయాలు వినిపిస్తున్నాయి.
మొత్తానికి, చంద్రబాబు, పవన్ కళ్యాణ్ ల ప్రచారం బీజేపీకి బూస్ట్ ఇచ్చిందా? అన్నదానిపై మిశ్రమ అభిప్రాయాలు ఉన్నా, ఈసారి బీజేపీ కాస్త మెరుగైన ఫలితాలు సాధించిందనేది స్పష్టంగా కనిపిస్తోంది. మరి ఈ తరహా బాండింగ్ ను భవిష్యత్తులో కూటమి నాయకులు ఎలా ఉపయోగించుకుంటారో చూడాలి.
