చరిత్రని సృష్టించే వాడివి అనుకున్నాను. కానీ, చరిత్ర హీనుడువి అయ్యిపోతావేమో అని భయంగా ఉంది..
మొదట్లో నీ సినిమాలకు పిచ్చ ఫ్యాన్ ని అయ్యిపోయాను. హే మేరా జహ , I am an Indian ,నీరల్లే పారలే, గడ్డిపోచ అయిన భూమి చీల్చుకునే పుట్టురా, నజీర్ అన్నయ్య మనలోకం మనకుంది అన్నయ్యో…ఇలా ఫలానా పాటల్లో దర్శకుడి హ్యాండ్ కన్నా, నీ వేలు ఎక్కువ ఉంది అని తెలిసి నీ సామాజిక స్పృహ కి సంతోషించాను. నీ స్వంత ఫైట్ కంపోజింగ్ చూసి అబ్బురపడ్డాను. జానీ ఫ్లాప్ అవ్వొచ్చు గాక.. నాకైతే నచ్చింది . ఆ అల్లు అరవింద్ మాట వినకుండా ఉండి హాలీవుడ్ లెవెల్ లో గంటన్నర సినిమా అయ్యుంటే మాములుగా ఉండేది కాదు.
అసలు సినిమాల్లో నీ నవ్వు, నీ చూపు నా గర్ల్ ఫ్రెండ్ కంటే కూడా ఎక్కువ ఆకర్షించేవి. ఒకవేళ నేను కాపు కావడం మూలాన నువ్వు నాకు నచ్చుతున్నవా.. ఏమో, కులం నరాల్లో జీర్ణించుకునిపోయి తెలియకుండానే పాతుకుపోతుంది. కానీ, నీ విషయంలో అలా కాదు అని నా నమ్మకం.. ఈ దేశానికి నువ్వో మరో చేగువేరా అని నమ్మాను నేను.
ఇక prp ప్లాప్ అయ్యాక, నువ్వు మళ్ళీ మరొక పార్టీ పెడుతున్నావ్ అంటే నేను నమ్మలేదు.. కానీ, పార్టీ ప్రకటన రోజు, విజయవాడ జింఖాన గ్రౌండ్స్ లో పెద్ద తెరపై, ఇల్లేమో దూరం అంటున్న నీ ప్రసంగం చూస్తూ , నీ కంటే ఎక్కువగా ఊగిపోయాను నేను..
ఏవీ స్వామి ఆనాటి అగ్రిసివ్ అటిట్యూటులు… ఆ ఆవేశంలో బోలెడు నిజాయితీ కనిపించేవి..ఆ తర్వాత కూడా నిన్ను నేను బలంగానే నమ్మాను.. రొటీన్ రాజకీయ పార్టీలకు భిన్నంగా ఏమీ చేస్తావా అని ఎదురుచుస్తూనే ఉన్నాను.. కొంచెం తృప్తి..కొంచెం అసంతృప్తి.. నువ్వు రెండు చోట్లా ఓడిపోయిన రోజున పదకొండు రోజులు తిండి మానేయడం కాదుగాని చాలానే బాధపడ్డాను.కానీ, నీ మీద నెగటివ్ ఫీలింగ్ అయితే రాలేదు..
కానీ, ఇప్పుడు దేశాన్ని అభివృద్ధి ఆధారం గా కాకుండా , మతం ఆధారంగా పాలిస్తున్న బీజేపీ పట్ల నీ సానుకూలత చూసి నిజంగా నీమీద కోపం వస్తుంది..
నువ్వు నీలా ఉండు సామీ ..ఎవడి ప్రభావం నీ మీద పడనివ్వకు..ఇప్పటికి నువ్వొక నిప్పు కణిక అని నా నమ్మకం. నీ నిజాయితీ పట్ల అపార నమ్మకం..
అసలు ఆంధ్రలో నరమానవుడికి సాధ్యం కానంత విపరీతమైన క్రేజ్ ఉన్న నిన్ను నేను ఇలా చూడలేను..
నాకు మళ్ళీ ఆ పాత పవన్ కావాలి..come back soon….
The opinion is expressed by Pawan Kalyan fan –