నందమూరి తారక రామారావు వారసుడిగా ఇండస్ట్రీలో అడుగుపెట్టి కొన్ని వందల సినిమాలలో నటించిన నటసింహం నందమూరి బాలకృష్ణ టాలీవుడ్ ఇండస్ట్రీలో స్టార్ హీరోగా గుర్తింపు పొందాడు. దశాబ్దాల కాలంగా ఇండస్ట్రీలో కొనసాగుతున్న బాలకృష్ణ తన నటనతో వెండితెర పై తనకంటూ ఒక ఇమేజ్ క్రియేట్ చేసుకున్నాడు. ఇలా వరుస సినిమాలతో బిజీగా ఉండే బాలకృష్ణ ఎవరు ఊహించని విధంగా బుల్లితెరపై ఎంట్రీ ఇచ్చి ఇక్కడి ప్రేక్షకుల అభిమానాన్ని కూడా సొంతం చేసుకున్నాడు.
ప్రముఖ ఓటీటీ ఛానల్ ఆహాలో ప్రసారమైన అన్ స్టాపబుల్ విత్ ఎన్బికె షో లో హోస్ట్ గా వ్యవహరించి తనదైన శైలిలో హోస్ట్ చేసి బుల్లితెరపై కూడా తన సత్తా చాటుకున్నాడు. బాలకృష్ణ ఈ షో కి పోస్ట్ గా వ్యవహరించడంతో మొదటి సీజన్ కి ప్రేక్షకుల నుండి మంచి ఆదరణ లభించింది. దీంతో అన్ స్టాప్ అబుల్ సీజన్ 2 కూడా ప్రారంభించాలని ఆహా యాజమాన్యం సర్వం సిద్ధం చేసింది. ఇక ఇటీవల అక్టోబర్ 14వ తేదీన అండ్ స్టాపబుల్ సీజన్ 2 కూడా చాలా గ్రాండ్ గా ప్రారంభం అయింది.
ఈ సీజన్ 2 మొదటి ఎపిసోడ్లో బాలకృష్ణ తన వియ్యంకుడు నారా చంద్రబాబు నాయుడు, అల్లుడు నారా లోకేష్ ని గెస్ట్లుగా తీసుకువచ్చాడు. దీంతో మొదటి ఎపిసోడ్ ప్రేక్షకులను అధ్యంతం ఆకట్టుకుంది. అన్ స్టాపబుల్ సీజన్ 2 మొదటి ఎపిసోడ్ 24 గంటల్లో
10 లక్షలకు పైగా వ్యూస్ సాధించి రికార్డ్ క్రియేట్ చేసింది. దీంతో బాలకృష్ణ అభిమానులతో పాటు టిడిపి నాయకులూ కూడా ఆనందం వ్యక్తం చేస్తున్నారు. ఇలా మొదటి ఎపిసోడ్ గురించి కొందరు పాజిటివ్‌గా స్పందిస్తే.. మరికొందరు నెగిటివ్‌గా స్పందించారు. ఏది ఏమైనా అన్ స్టాపబుల్ షో మాత్రం మిగిలిన అన్ని షోలకి బాప్ గా నిలిచింది.