పవర్ స్టార్ పవన్ కళ్యాణ్ రానా హీరోలుగా నటించిన చిత్రం భీమ్లా నాయక్.మలయాళ సినిమాకి రీమేక్ చిత్రంగా సాగర్ కే చంద్ర దర్శకత్వంలో తెరకెక్కిన ఈ సినిమా అద్భుతమైన విజయాన్ని సొంతం చేసుకుంది. ఇకపోతే ఈ సినిమా గురించి తాజాగా ఓ ఆసక్తికరమైన విషయాన్ని బాలకృష్ణ తన అన్ స్టాపబుల్ కార్యక్రమం ద్వారా బయటపెట్టారు. బాలయ్య వ్యాఖ్యతగా ఆహాలో అన్ స్టాపబుల్ అనే కార్యక్రమం ప్రసారమవుతున్న విషయం మనకు తెలిసిందే. ఈ కార్యక్రమం ప్రస్తుతం రెండవ సీజన్ ప్రసారమవుతుంది.
ఈ కార్యక్రమంలో ఇప్పటికీ మొదటి ఎపిసోడ్ పూర్తి కాగా తాజాగా నేడు రెండవ ఎపిసోడ్ కూడా ప్రసారమైంది. రెండవ ఎపిసోడ్ లో భాగంగా యంగ్ హీరోలైనా సిద్ధూ జొన్నలగడ్డ, విశ్వక్ సేన్ తో పాటు నిర్మాత సూర్యదేవరనాగ వంశీ కూడా హాజరయ్యారు.ఈయన సితార ఎంటర్టైన్మెంట్స్ బ్యానర్లో పవన్ కళ్యాణ్ రానా నటించిన భీమ్లా నాయక్ సినిమాని నిర్మించారు.ఇకపోతే ఈ సినిమాలో పవన్ కళ్యాణ్ పాత్రలో నటించాల్సిందే పవన్ కళ్యాణ్ కాదని ముందుగా ఆ అవకాశం బాలకృష్ణకు వచ్చిందని నిర్మాత వెల్లడించారు.
ఈ సందర్భంగా భీమ్లా నాయక్ సినిమాలో పవన్ కళ్యాణ్ పాత్రలో నటించాల్సిన హీరో ఎవరు అంటూ బాలయ్య ప్రశ్నించగా అందుకు సూర్యదేవర నాగ వంశీ మీరే సార్ అంటూ సమాధానం చెప్పారు.కథ పట్టుకొని మీ చుట్టూ తిరుగుతూ ఉండగా మీరే కదా సార్ ఈ సినిమాకు పవన్ కళ్యాణ్ గారు అయితే బాగుంటుందని సలహా ఇచ్చారు అంటూ ఈ సందర్భంగా సూర్యదేవరనాగ వంశీ ఈ సినిమాపై క్లారిటీ ఇచ్చారు. ఇలా బాలకృష్ణ కారణంగా పవన్ కళ్యాణ్ అద్భుతమైన హిట్ అందుకున్నారంటూ పవన్ ఫ్యాన్స్ సంతోషం వ్యక్తం చేస్తున్నారు.