తెలుగు బుల్లితెర దగ్గర భారీ క్రేజ్ ఉన్నటువంటి ఎన్నో షో లలో కాస్త లేట్ గానే స్టార్ట్ అయినా కూడా మొదటి సీజన్ నుంచే సెన్సేషన్ రేపి నెంబర్ 1 రియాలిటీ షోగా మారిన ఎంటర్టైనింగ్ షో “బిగ్ బాస్” కోసం అందరికీ తెలుసు. మరి ఇండియా లోనే అత్యధిక రేటింగ్ నమోదు అయ్యే బిగ్ బాస్ షో కూడా మన తెలుగు నుంచే ఉంది.
ఆ రేంజ్ లో తెలుగు ఆడియెన్స్ పట్టం కట్టారు. మరి తెలుగులో ఈ షో ఇంత పెద్ద హిట్ అయ్యినందుకు ఏకంగా ఓటిటి లో కూడా ప్లాన్ చేసి సక్సెస్ కాగా ఇక ఇప్పుడు మేకర్స్ అయితే మళ్ళీ టీవిలో సీజన్ 6 ని సిద్ధం చేస్తున్నారు. అయితే ఈసారి సీజన్లో కూడా అనేక మంది స్టార్స్ కనిపించగా గత సీజన్లో లానే కొందరు స్టార్ సింగర్స్ ని కూడా ఈసారి తీసుకొస్తున్నట్టుగా సినీ వర్గాలు చెబుతున్నాయి.
మరి ఈ సారి యంగ్ టాలెంట్ స్టార్ సింగర్ రేవంత్ కనిపించనున్నాడని తెలుస్తుంది. ప్రస్తుతం అయితే ఇతర సన్నాహాలు చాలా త్వరగా జరుగుతున్నాయి. మరి అధికారిక లిస్ట్ అయితే ఎప్పుడు బయటకి వస్తుందో చూడాలి. ఇక ఈ సీజన్ ని కూడా కింగ్ నాగార్జునే హోస్ట్ చేస్తుండగా స్టార్ మా ఛానెల్లో యథావిధిగా ఈ షో ప్రసారం కానుంది.