బిగ్‌బాస్ హౌస్‌‌కి పెద్ద దిక్కుగా, తనని తాను పులిగా అభివర్ణించుకున్న నటరాజ్ మాస్టర్, అనూహ్యంగా అతి తక్కువ సమయంలోనే హౌస్ నుండి బయటికి వచ్చేసిన సంగతి తెలిసిందే. హౌస్ నుండి బయటికి వచ్చిన నటరాజ్ మాస్టర్ ఓ స్పెషల్ ఛాన్స్ కొట్టేశాడు.
ఆహా ఓటీటీ ఛానెల్ కోసం బాలయ్య ‘అన్‌స్టాపబుల్’ అనే టాక్ షోకి హోస్ట్‌గా వ్యవహరిస్తున్న సంగతి తెలిసిందే. త్వరలో ఈ షో ప్రారంభం కానుంది. భారీ అంచనాల నడుమ మొదలవుతున్న ఈ షో ప్రమోషన్స్ కూడా ఓ రేంజ్‌లో చేస్తున్నారు ఆహా వారు.
అందులో భాగంగానే, ఓ ప్రమోషనల్ సాంగ్‌ని ప్లాన్ చేశారట. ఆ సాంగ్‌లో బాలయ్య ఊర మాస్ స్టెప్పులతో అలరించనున్నారట. ఆ సాంగ్ కొరియోగ్రఫీ చేసే అరుదైన ఛాన్స్ నటరాజ్ మాస్టర్‌కి దక్కింది. దొరికిన ఈ అపురూపమైన అవకాశాన్ని సద్వినియోగం చేసుకునేలా నటరాజ్ మాస్టర్, అద్ధిరిపోయే స్టెప్పులు కంపోజ్ చేశారట బాలయ్య కోసం.
ఇప్పుడీ సాంగ్ హాట్ టాపిక్ అయ్యింది. త్వరలోనే ఈ సాంగ్ రిలీజ్ చేయనున్నారు. చూడాలి మరి, నటరాజ్ మాస్టర్ కంపోజేషన్‌లో బాలయ్య వేసిన స్టెప్పులు ఏ రేంజ్‌లో ఉండబోతున్నాయో.