బుల్లితెర ప్రేక్షకులు ఎప్పుడెప్పుడు అని ఎదురుచూసే బిగ్ బాస్ సీజన్ 6 కార్యక్రమం ప్రసారమయ్యే సమయం దగ్గర పడిందని తెలుస్తోంది. ఇప్పటికే ఈ కార్యక్రమం ప్రసారం కావలసి ఉండగా కొన్ని కారణాలవల్ల వాయిదా పడుతూ వచ్చింది. ఈ క్రమంలోనే ఈ కార్యక్రమాన్ని సెప్టెంబర్ 4వ తేదీ నుంచి ప్రసారం చేయనున్నట్లు మేకర్స్ అధికారికంగా ప్రకటించారు.ఇప్పటికే ఈ కార్యక్రమానికి సంబంధించిన ప్రోమో విడుదల కాగా తాజాగా ఈ కార్యక్రమం సెప్టెంబర్ 4వ తేదీ సాయంత్రం 6 గంటలకు ప్రసారం అవుతుందని తెలిపారు.
ఇకపోతే తెలుగులో ఇప్పటికే ఐదు సీజన్లను పూర్తి చేసుకున్న ఈ కార్యక్రమం ఒక నాన్ స్టాప్ సీజన్ కూడా పూర్తి చేసుకుంది.ఈ క్రమంలోనే సీజన్ 6 కోసం పెద్ద ఎత్తున నిర్వాహకులు ఏర్పాటు చేయడంతో ఈ కార్యక్రమం కోసం అభిమానులు కూడా అంతే ఆతృతగా ఎదురు చూశారు. ఇదిలా ఉండగా తాజాగా ఈ కార్యక్రమం ప్రసార తేదీన ప్రకటించడంతో అభిమానులు ఎంతో సంతోషం వ్యక్తం చేస్తున్నారు.ఇక ఎప్పటిలాగే ఈ కార్యక్రమానికి నాగార్జున వ్యాఖ్యాతగా వ్యవహరించగా బజ్ కార్యక్రమానికి హోస్టుగా యాంకర్ శివ వ్యవహరిస్తున్నట్లు తెలుస్తోంది.
ఈ సీజన్ లో పాల్గొనే కంటెస్టెంట్లను ఆగస్టు చివరి వారంలో క్వారంటైన్ పంపించనున్నట్లు సమాచారం. ఇకపోతే ఈ కార్యక్రమంలోకి యూట్యూబ్ ద్వారా గుర్తింపు సంపాదించుకున్న వారిని యాంకర్లు బుల్లితెర నటీనటులను కంటెస్టెంట్లుగా పంపిస్తున్నట్లు సమాచారం. సెలబ్రిటీలతో పాటు ఒక కామన్ మ్యాన్ ఎంట్రీ కూడా ఉండబోతుంది. ఇప్పటికే ఈ కార్యక్రమంలో పాల్గొనే కంటెస్టెంట్లు వీళ్లే అంటూ కొందరు పేర్లు సోషల్ మీడియాలో చక్కెర్లు కొడుతున్నాయి.మరి ఈ సీజన్లో ఎవరెవరు కంటెస్టెంట్లుగా పాల్గొనబోతున్నారనే విషయం తెలియాలంటే మరికొన్ని రోజులు మాత్రమే వేచి ఉండాలి.