బిగ్‌బాస్ షోలో ఎంట్రీ ఇచ్చిన క్షణం నుంచి అవినాష్ ఓ మాట చెబుతున్నాడు. తనకు బయట సంబంధాలు చూస్తున్నారు నన్ను వదిలేయండి సర్ అంటూ నాగార్జునను వేడుకుంటున్నారు. ప్రతీ వీకెండ్‌లో నాగార్జున రావడంతో ఏమీ లేకపోయినా సరే అరియానా-అవినాష్ మధ్య ఏదో ఉందని క్రియేట్ చేసేందుకు ప్రయత్నం చేస్తున్నాడు. సర్లే ఇలాగైనా ఫేమస్ అవుదామని అనుకున్నారో ఏమో గానీ వారు మరింత దగ్గరయ్యారు.
అయితే మామూలుగానే అవినాష్ ఇంట్లో ఉన్న లేడీస్ అందర్నీ ఫ్లర్ట్ చేస్తూ ఉంటాడు. అందరితో సరదాగానే ఉంటాడు. వచ్చీ రాగానే మోనాల్‌తో పులిహోర కలిపాడు. ఆపై దివికి లైన్ వేశాడు. ఇక సుజాతతోనూ చాలా క్లోజ్‌గానే ఉండేవాడు. స్వాతి దీక్షిత్‌తోనూ అంతే సన్నిహితంగా ఉన్నాడు. ఇక ప్రస్తుతం మాత్రం ఆరియానాతో ట్రాక్ ఓ రేంజ్‌లో దూసుకుపోతోంది. ఇక్కడి వరకు అంతా బాగానే ఉంది. నిన్న సుజాత ఎలిమినేట్ అయిన తరువాత బయటకు వచ్చి అవినాష్ జీవితంలో నిప్పులు పోసింది.
లోపల వీరిద్దరి మధ్య ఏం జరిగిందో ఏమో గానీ బయటకు వచ్చిన సుజాత.. ‘నీకు పెళ్లి ఎలా అవుతుందో నేను చూస్తాను. అసలు నీకు పెళ్లే కాకుండా చూస్తాను’ అంటూ దారుణంగా మాట్లాడింది. అయితే అవినాష్ మాట్లాడే మాటలతో సుజాత ఏమైనా నిజంగా ప్రేమను ఫీల్ అయినట్టుంది. కానీ అందరితో అంతే క్లోజ్‌గా ఉండటం ఆమెకు నచ్చలేదేమో. సుజాత అలాంటి మాటలు మాట్లాడే సరికి అవినాష్ ఒక్కసారిగా షాక్ అయ్యాడు. దానికి తోడు నాగార్జున కూడా.. పిల్లనిచ్చే అత్తలు ఇది చూడండి సుజాత ఇలా అంటోంది అంటూ అగ్గిలో ఆజ్యం పోశాడు. మరి సుజాత ఆ మాటలు ఎందుకు అనాల్సి వచ్చిందో క్లారిటీ ఇస్తుందో లేదో చూడాలి.