చాలామందికి రాహుల్ సిప్లిగంజ్ ఒక బిగ్ బాస్ 3 విన్నర్ గానే తెలుసు. ప్రస్తుతం బిగ్ బాస్ 4 సీజన్ లో ఎలిమినేట్ అయిన కంటెస్టెంట్లను ఇంటర్వ్యూ చేస్తున్నాడని తెలుసు కానీ.. ఆయనలో చాలా టాలెంట్లు ఉన్నాయి. నిజానికి ఆయన ఒక సింగర్. ఆ విషయం బిగ్ బాస్ హౌస్ లో ఉన్నప్పుడే తెలిసింది. రాహుల్ సొంతంగా ఎన్నో ఆల్బమ్స్ చేశాడు. మంచి పేరు కూడా సంపాదించుకున్నాడు.
ప్రస్తుతం బేబీ అనే కొత్త ఆల్బమ్ ను రూపొందిస్తున్నాడు రాహుల్. ఆల్బమ్స్ తో పాటుగా అప్పుడప్పుడు సినిమాలో నటిస్తుంటాడు రాహుల్. అలాగే సినిమాలకు కూడా పాటలు పాడుతుంటాడు. వీటిమీద వచ్చే ఆదాయాన్ని తన సొంత ఆల్బమ్స్ రూపొందించుకోవడానికి ఉపయోగిస్తుంటాడు. నిజానికి మ్యూజిక్ ఆల్బమ్స్ పై వచ్చే ఆదాయం పెద్దగా ఉండదు కానీ.. రాహుల్ కు ఆదాయం కన్నా.. తన సంతృప్తి కోసం మ్యూజిక్ ఆల్బమ్స్ చేస్తుంటాడు.
ఇక.. ప్రస్తుతం రాహుల్.. బేబీ అనే ఆల్బమ్ చేస్తున్నాడు. ఆ ఆల్బమ్ కోసమే తన దగ్గర ఉన్న డబ్బునంతా ఖర్చుపెట్టేశాడట రాహుల్. ఇప్పటి వరకు సంపాదించిన డబ్బునంతా కేవలం ఆ ఆల్బమ్ కోసమే ఖర్చు పెట్టాడట.
బేబీ సాంగ్ కోసం పెద్ద పెద్ద సెట్లు నాలుగు వేశారట. వాటి కోసమే డబ్బంతా ఖర్చయిపోయిందట. దసరాకే బేబీ ఆల్బమ్ ను రిలీజ్ చేయాలని అనుకున్నా.. ఇంకా కొంచెం వర్క్ పెండింగ్ లో ఉండటంతో.. దీపావళికి బేబీ ఆల్బమ్ ను రిలీజ్ చేస్తాడట రాహుల్.