కామెడీ షో అనగానే టక్కున గుర్తొచ్చే పేరు జబర్దస్త్. గత తొమ్మిది సంవత్సరాలుగా ఈటీవీలో ప్రసారం అవుతున్న జబర్దస్త్ కామెడీ షో మంచి ప్రేక్షకాదరణ సొంతం చేసుకొని అత్యధిక రేటింగ్స్ తో నంబర్ వన్ గా గుర్తింపు పొందింది. ఇలా ఎన్నో ఏళ్లుగా ప్రసారమవుతున్న ఈ కామెడీ షోకి పోటీగా మా తెలుగు, జీ టీవీ చానల్స్ లో అనేక కామెడీ షోలు ప్రారంభమయ్యాయి. అయితే ఏ కామెడీ షో కూడా జబర్దస్త్ కి పోటీగా నిలవలేకపోయింది. ఈ క్రమంలో ఇండస్ట్రీలో ప్రముఖ నిర్మాతగా గుర్తింపు పొందిన అల్లు అరవింద్ ఆహా వేదికగా సరికొత్త కామెడీ షో ని ప్రేక్షకుల ముందుకి తీసుకురానున్నాడు.
ప్రముఖ ఓటీటీ సంస్థ అయిన ఆహాలో ‘ కామెడీ స్టాక్ ఎక్సేంజ్ ‘ అని టైటిల్ తో సుడిగాలి సుదీర్ లీడ్ రోల్ లో ఉంచి కామెడీ షో ని ప్రేక్షకుల ముందుకి తీసుకురానున్నట్లు అధికారికంగా ప్రకటించారు. ఇక ఈ కామెడీ షోలో ఒకప్పుడు జబర్దస్త్ ద్వారా ఫేమస్ అయ్యి జబర్దస్త్ కి దూరమైన ముక్కు అవినాష్, హరి, యాదమ్మ రాజు వంటి జబర్దస్త్, పటాస్ కమెడియన్లు సందడి చేయనున్నారు. ఇక ఇటీవల ఈ కామెడీ షో కి సంబంధించిన ప్రోమో కూడా విడుదల అయింది.
ఇలా జబర్దస్త్ కి పోటీగా అల్లు అరవింద్ సరికొత్త కామెడీ షో ని ప్రేక్షకుల ముందుకి తీసుకురానున్నాడు. అయితే ఈ కామెడీ షో ప్రేక్షకులను ఆకట్టుకొని జబర్దస్త్ కి పోటీగా నిలవనుందా? లేక మా టీవీ, జీ తెలుగు చానల్స్ లో ప్రసారమైన కామెడీ షోల లాగా మూతపడుతుందో చూడాలి మరి. అయితే సుధీర్ ని పెట్టు కామెడీ షో ప్రారంభించటం వల్ల ఆహా లో ప్రసారం కానున్న ఈ ‘ కామెడీ స్టాక్ ఎక్సేంజ్ ‘ షో పై ప్రేక్షకులు నమ్మకంతో ఉన్నారు. అంతే కాకుండా జబర్దస్త్ లో జడ్జిగా వ్యవహరించిన నాగబాబు ఈ షోలో జడ్జిగా వ్యవహరించనున్నాడు.