తెలుగు సీరియల్‌ నటి ఝాన్సీ మరణం మరిచిపోక ముందే తమిళనాట మరో సంఘటనే చోటు చేసుకుని షాక్ ఇచ్చింది. తమిళ టీవీ, సినీ నటి యషిక ఉరేసుకుని ఆత్మహత్యకు పాల్పడి కన్నవాళ్లకు కడుపు మంటను మిగిల్చింది. చెన్నైలోని వడపళనిలో ఉన్న తన ఇంట్లో ఉరివేసుకుని ఆత్మహత్య చేసుకున్న యషిక.. తన ఆత్మహత్యకు ప్రియుడు మోహన్ బాబే కారణమని, అతడిని వదలొద్దంటూ తల్లికి వాట్సాప్‌లో మెసేజ్ చేశారు.
వివరాల్లోకి వెళితే…యషిక అసలు పేరు మేరీ షీలా జబరాని. తిరుప్పూరుకు చెంది ఆమె వడపళనిలోని హాస్టల్‌లో ఉండే సమయంలో అరవింద్ అలియాస్ మోహన్ బాబు అనే బిజినెస్‌మేన్‌తో ప్రేమలో పడ్డారు. గత కొంత కాలంగా వీరు సహజీవనం చేస్తున్నట్టుగా తెలుస్తోంది.
మూడు రోజలు క్రితం జరిగిన ఓ గొడవతో ఇద్దరి మధ్య మనస్పర్థలు తలెత్తినట్టు తెలుస్తోంది. దీంతో మనస్తాపం చెందిన యషిక ఆత్మహత్యకు పాల్పడ్డారు.
యషిక ఆత్మహత్య విషయం తెలుసుకున్న పోలీసులు ఆమె మృతదేహాన్ని పోస్టుమార్టానికి తరలించారు. ప్రస్తుతం విచారణ జరగుతోందని, రిపోర్డ్ వచ్చిన తరువత తదుపరి చర్యలు తీసుకోనున్నట్టుగా వెల్లడించారు. పలు తమిళ సీరియల్స్‌లో నటించిన యషిక, విమల్ హీరోగా నటించిన ‘మన్నార్ వగెరా’ సినిమాలో నటించారు.