రామ్ గోపాల్ వర్మ ఎప్పుడు ఏ బాంబు ఎవరి మీద వదులుతాడో చెప్పడం కష్టం. ఎప్పుడు ఎలాంటి చిత్రం, ఎవరిపై ప్రకటిస్తాడోనని కొందరు ఆసక్తికరంగా మరి కొందరు ఆందోళనకరంగా ఎదురుచూస్తున్నారు. క్లైమాక్స్, నగ్నం, పవర్ స్టార్ చిత్రాలు ముగిశాక.. మర్డర్, థ్రిల్లర్‌లతో వర్మ రచ్చ చేసేందుకు రెడీగా ఉన్నాడు. ఇది కాక ఈ మధ్య అల్లు అంటూ మరో బాంబ్ వేశాడు. అల్లు అరవింద్‌పై సెటైర్లు వేస్తూ ఓ చిత్రాన్ని చేయబోతోన్నట్టు ప్రకటించాడు.
ఇక తాజాగా వర్మ ప్రకటించిన సినిమా టైటిల్, దాని నేపథ్యం వింటేనే అంతా షాక్ అవ్వాల్సిందే. ఈ సారి వర్మ లెస్బియన్లపై సినిమా చేయబోతోన్నాడు. ఈ మేరకు వరుస ట్వీట్లతో నానా రచ్చ చేస్తున్నాడు. భారత సినీ చరిత్రలోనే లెస్బియన్, క్రైమ్ యాక్షన్ చిత్రం మొదటిసారిగా రాబోతోందని వర్మ ప్రకటించాడు. ఇప్పటి వరకు తన తీసిన చిత్రాల్లో ఎంతో విశిష్టమైందిఅని ఫస్ట్ లుక్‌ను విడుదల చేయబోతన్నాని తెలిపాడు.
లెస్బియన్ క్రైమ్ యాక్షన్ చిత్రానికి డేంజరస్ అనే టైటిల్‌ను పెట్టినట్టు ప్రకటించాడు. వారిద్దరి అక్రమ సంబంధం ఎంతో మంది ప్రాణాలను బలిగొంది. అందులో పోలీసులు, గ్యాంగ్ స్టర్స్ కూడా ఉన్నారు అనేది ట్యాగ్ లైన్ అని పేర్కొన్నాడు. రక్తం కారుతున్నా శృంగారం చేయడం మాత్రం వదలడం లేదు. ఇక ఈ సినిమాలో అప్సర రాణి, నైనా గంగూలీ రెచ్చిపోయి నటించినట్టు కనిపిస్తోంది.