నెల క్రితం విడుదలైన ‘అరవింద సమేత వీర రాఘవ’ చిత్రం బ్లాక్ బస్టర్ హిట్ కావడంతో జిగేల్ రాణి ..పూజా హెడ్గే మంచి ఊపులో ఉంది. ఆ చిత్రంలో ‘అరవింద’గా కెరియర్‌లో బెస్ట్ పెర్ఫామెన్స్ ఇచ్చిందంటూ పూజా కు ప్రశంశలు వచ్చాయి. ఆమె నటనకు ఫిదా అయిన దర్శక,నిర్మాతలు ఆమె ఇంటి ముందు క్యూ కడుతున్నారు. ఈ నేపధ్యంలో తనను తాను మరింతగా ఆవిష్కరించుకునేందుకు పూర్తిగా ఫిటెనెస్ మీద దృష్టి పెట్టింది. డైలీ జిమ్ కు వెళ్తోంది. అంతేకాదు…తన జిమ్ ఫొటోలను …ఇనిస్ట్రగ్రమ్ లో షేర్ చేస్తోంది. తాజాగా ఆమె పెట్టిన ఓ ఫొటో ఆమె అభిమానులను తెగ ఎట్రాక్ట్ చేస్తోంది.
మొదట మోడల్‌గా పరిశ్రమకు పరిచయమైన పూజ 2012లో వచ్చిన తమిళ చిత్రం‘ముగమూది’ చిత్రంతో సిని పరిశ్రమకు పరిచయం అయ్యింది. ఆ తరువాత 2014లో నాగచైతన్యతో ఒక లైలా కోసం, వరుణ్ తేజతో ముకుందా చిత్రాలతో తెలుగు ప్రేక్షకుల ముందుకు వచ్చింది పూజా హెగ్డే. అయితే ఆ రెండు సినిమాల వల్ల ఆమెకు కలిసివచ్చిందేమీ లేదు. సరే అని అటు బాలీవుడ్ లోనూ ఒకటి రెండు సినిమాలు చేసి మళ్లీ ..తెలుగుకు అల్లు అర్జున్ చిత్రం దువ్వాడ జగన్నాధంతో వచ్చింది.
ఇక రీసెంట్ గా రామ్ చరణ్ ‘రంగస్థలం’ చిత్రంలో జిల్ జిల్ జిగేల్ రాణి అంటూ ఐటమ్ సాంగ్‌తో చిచ్చు రేపిన ఆమె… ఎన్టీఆర్‌తో ‘అరవింద సమేత’ చిత్రంలో జోడీ కట్టి మరో హిట్‌ను తన ఖాతాలో కలుపుకుంది. ప్రస్తుతం మహేష్ బాబు ‘మహర్షి’ చిత్రంలోనూ.. అలానే ప్రభాస్,జిల్ రాధాకృష్ణ కాంబోలో వస్తున్న చిత్రం లోనూ హీరోయిన్ గా అవకాసం అందుకుంది.