ప్రస్తుతం స్టైలిష్ స్టార్ అల్లు అర్జున్ (బన్నీ) తన కెరీర్ లో మొట్ట మొదటి పాన్ ఇండియన్ సినిమా తన మరో హ్యాట్రిక్ దర్శకుడు సుకుమార్ తో చేస్తున్న సంగతి అందరికీ తెలిసిందే. అలాగే భారీ అంచనాలు నెలకొల్పుకున్న ఈ చిత్ర డిసెంబర్ 17 అని ఫిక్స్ కూడా అయ్యిపోయింది.
మరి ఇదిలా ఉండగా ఈ సినిమా తర్వాత కూడా బన్నీ అదిరే లైనప్ ని సెట్ చేస్తున్నాడని టాక్ ఉంది. పలువురు స్టార్ దర్శకులతో సినిమాలు ఓకే చేస్తున్న క్రమంలో తమిళ స్టార్ దర్శకుడు ఏ ఆర్ మురుగ దాస్ తో ఓ సినిమా ఉందని ఎప్పుడు నుంచో బజ్ ఉంది.
ఎట్టకేలకు ఈ భారీ సినిమా మొదలు కానుందట. ఇక్కడ మరో ఇంట్రెస్టింగ్ అంశం ఏమిటంటే ఈ సినిమా ఇప్పటి వరకు టాలీవుడ్ లో అతి తక్కువగా టచ్ చేసిన బ్యాక్ డ్రాప్ లో ఉంటుందని తెలుస్తుంది.
తాజా సమాచారం ప్రకారం ఈ సినిమా సైన్స్ ఫిక్షన్ థ్రిల్లర్ గా ఉంటుందట. బన్నీ ఈ తరహా సినిమాలో అనేది కాస్త ఆసక్తిగానే అనిపిస్తుంది. మరి వాస్తవంగా ఎంతమేర నిజమవుతుందో వేచి చూడాల్సిందే.