కోలీవుడ్ సూపర్ స్టార్ రజినీకాంత్ మరాఠీ భాషకు చెందిన వ్యక్తి అయినప్పటికీ తన సినిమాలతో అన్ని భాషల ఆడియెన్స్ కు దగ్గరైన విషయం తెలిసిందే. తమిళ్ లోనే కాకుండా తెలుగులో కూడా ఆయనకు భారీ స్థాయిలో క్రేజ్ ఉంది. నేటితరం జనరేషన్ కూడా తలైవా అంటే చాలు విజిల్స్ వేస్తారు. అయితే అలాంటి అభిమానులు ఆయనకు ఓట్లు కూడా వేస్తారా లేదా అనేది హాట్ టాపిక్ గా మారింది. సూపర్ స్టార్ రాజకీయాలకు ఎంట్రీ ఇవ్వనున్నట్లు క్లారిటీ ఇచ్చిన విషయం తెలిసిందే.
ఇక ఆయన ఎంట్రీ ఎలా ఉంటుందా అని కోలీవుడ్ సినీ ప్రముఖులతో పాటు టాలీవుడ్ స్టార్స్ కూడా చాలా ఆసక్తిగా ఎదురుచూస్తున్నారు. నేడు రజినీకాంత్ పుట్టినరోజు సందర్భంగా స్టార్స్ విషెస్ అందిస్తూనే రాజకీయాల్లో కూడా విజయం సాధించాలని కోరుకుంటున్నారు. ఇక మెగాస్టార్ చిరంజీవి కూడా అదే తరహాలో పుట్టినరోజు శుభాకాంక్షలు తెలిపారు.
మెగాస్టార్ ఏమన్నారంటే.. నా ప్రియమైన మిత్రుడు రజినీకాంత్ కు 70వ పుట్టినరోజు శుభాకాంక్షలు. మీకు మంచి భవిష్యత్తు ఉండాలని కోరుకుంటున్నాను. రాజకీయాల్లో మీ ప్రయత్నం విజయవంతం కావాలని నేను కోరుకుంటున్నాను. ప్రత్యేకమైన శైలితోనే కోట్లాదిమంది హృదయాలను గెలుచుకున్నారు. నాకు నమ్మకం ఉంది. తప్పకుండా మీరు అభిమానం పొందిన జనాలకు మంచి చేస్తారని ఆశిస్తున్నాను. చాలా ఆరోగ్యంగా ఉండాలని అంతే మంచే జరగాలని కొరుకుంటున్నట్ల మెగాస్టార్ లాట్స్ ఆఫ్ లవ్ అంటూ ట్వీట్ చేశారు. దీంతో ఆ ట్వీట్ సోషల్ మీడియాలో వైరల్ గా మారింది.