వరుసగా ప్లాఫ్ లతో సతమటువుతున్న గోపిచంద్ రెగ్యులర్ సినిమాలు కాకుండా వెరైటీ సినిమాలు చేయాలని ఫిక్స్ అయ్యాడు. మారుతున్న తెలుగు సినిమాని పట్టుకోపోతే తను పూర్తి స్దాయిలోవెనకపడతానని గూఢచారి తరహా ఓ స్పై థ్రిల్లర్ కు సై అన్నారు.
తమిళ దర్శకుడు తిరు సుబ్రహ్మణ్యం ఓ కథను వినిపించగా బాగా నచ్చేసి లాంచ్ చేసేసారు. ఇప్పటివరకు తానూ చేయని కొత్త జోనర్ కావడం, పాత్ర చాలా కొత్తగా అనిపించడంతో ఒప్పుకున్నాడట. యాక్షన్ ఎంటర్టైనర్ గా అనిపించినప్పటికీ కొత్త కోణంలో కథ ముందుకు వెళుతుందని అంటున్నారు.
ఏకే ఎంట‌ర్టైన్మెంట్స్ ప‌తాకంపై నిర్మిస్తున్న సినిమా ఓపెనింగ్ ఈ రోజు (డిసెంబ‌ర్ 22న) నిర్మాత అనిల్ సుంక‌ర ఆఫీసులో జ‌రిగింది. ఏషియ‌న్ సినిమాస్ సునీల్ ఈ చిత్ర తొలి స‌న్నివేశానికి క్లాప్ కొట్టారు. జనవరి 18 నుంచి రెగ్యులర్ షూటింగ్ ప్రారంభమవుతుంది. 2019, మే నెలలో సినిమా విడుదలకు ప్లాన్ చేస్తున్నారు.
స్పై థ్రిల్ల‌ర్‌గా ఈ చిత్రం తెర‌కెక్కుతుంది. విశాల్ చంద్ర‌శేఖ‌ర్ ఈ చిత్రానికి సంగీతం అందిస్తుండ‌గా.. వెట్రి ఫ‌ల‌నిస్వామి సినిమాటోగ్ర‌ఫీ అందిస్తున్నారు. ఏకే ఎంట‌ర్టైన్మెంట్స్ ప‌తాకంపై అనిల్ సుంక‌ర ఈ చిత్రాన్ని నిర్మిస్తున్నారు.
అలాగే ఈ సినిమాలో గోపీచంద్ స‌ర‌స‌న రాశిఖ‌న్నా హీరోయిన్ గా న‌టిస్తున్న‌ట్లు వార్త‌లు వ‌స్తున్నాయి. స్పై థ్రిల్లర్ గా రూపొందే ఈ సినిమాలో గోపిచంద్ కొత్త లుక్ లో క‌నిపించ‌నున్నాడ‌ట.