విజయ్ దేవరకొండ రష్మిక జంటగా నటించిన ‘గీత గోవిందం’ ఈ నెల 15వ తేదీన ప్రపంచవ్యాప్తంగా విడుదలైంది. పరుశరామ్ దర్శకత్వం వహించిన ఈ సినిమా , యూత్ కి ఒక రేంజ్ లో కనెక్ట్ అయింది. విడుదలైన ప్రతి చోటున విజయవిహారం చేస్తోంది. తొలి 5 రోజుల్లోనే ఈ సినిమా 50 కోట్లు గ్రాస్ ను రాబట్టింది. ఆ తరువాత ఈ సినిమా వసూళ్లు తగ్గుముఖం పట్టొచ్చునని, 100 కోట్లు వరకు వెళ్లకపోవచ్చు అని ప్రచారం జరిగింది.
కానీ వాళ్ల అంచనాలను తలక్రిందులు చేస్తూ , ఈ సినిమా రెండు వారాల్లోనే 100 కోట్లు గ్రాస్ ను రాబట్టింది. ఒక్క నైజాం ఏరియాలోనే ఈ సినిమా ఇంతవరకు 16 కోట్లకి పైగా షేర్ ను వాసులు చేయడం విశేషంగా చెప్పుకుంటున్నారు. ఈ వరం విడుదలవుతోన్న ‘నర్తనశాల’ ,’పేపర్ బాయ్’
సినిమాలు ఆశించిన స్థాయిలో ఆడియన్స్ ను ప్రభావితం చేయలేకపోతే గీత గోవిందం 125 కోట్లు మార్కును చేరుకోవడం ఖాయమని అభిప్రాయాలూ వ్యక్తమవుతున్నాయి.
