మెగాస్టార్ ఎప్పుడైనా మెగాస్టారే. ఇన్నేళ్ల గ్యాప్ తర్వాత కూడా ఆయనలో ఏమాత్రం గ్రేస్ తగ్గలేదు. అదే ఊపు, అదే డ్యాన్స్. ఖైదీ నెంబర్ 150తో మరోసారి తన సత్తా ఏంటో చూపించిన మెగాస్టార్.. ఆ తర్వాత సైరా అంటూ వచ్చి తెలుగు ప్రేక్షకులకు తన పవర్ ఏంటో చూపించారు.
మెగా ఫ్యాన్స్ కు మళ్లీ ఎంటర్ టైన్ మెంట్ ను ఇస్తున్నారు చిరు. ఈ వయసులో కూడా సినిమా కోసం తను పడే కష్టం చూస్తే సినిమా అంటే చిరుకు ఎంత ప్రేమో అర్థం అవుతుంది.
ఇక.. తన 152 వ సినిమా ఆచార్య కూడా ప్రస్తుతం రూపుదిద్దుకుంటోంది. కరోనాతో కొంచెం గ్యాప్ వచ్చినా.. సినిమా షూటింగ్ శరవేగంగా జరగనుంది.
తన బర్త్ డే సందర్భంగా ఆచార్య సినిమా ఫస్ట్ లుక్, మోషన్ పోస్టర్ ను సినిమా యూనిట్ రిలీజ్ చేసింది. ఈ ఫస్ట్ లుక్ చాలు.. సినిమా రేంజ్ ఏంటో? ఇది మామూలు సినిమా అయితే కాదు అని ఫస్ట్ లుక్ తోనే తెలిసిపోతోంది.
ఆచార్య సినిమాకు కొరటాల శివ దర్శకుడు. ఇప్పటికే సినిమాకు సంబంధించిన ఓ పోస్టర్ ను మూవీ యూనిట్ రిలీజ్ చేసిన సంగతి తెలిసిందే.
ఇక.. ఈ సినిమాలో చిరు దేవాదాయ అండ్ ధర్మదాయ శాఖలో పనిచేసే ఓ ఆఫీసర్ పాత్రలో నటిస్తున్నట్టు తెలుస్తోంది. మరో పాత్రలో నక్సలైట్ గానూ నటిస్తారని తెలుస్తోంది. చిరంజీవి డ్యుయల్ రోల్ చేయనున్నట్టు తెలుస్తోంది.
ఇక ఈ సినిమాలో మెగా పవర్ స్టార్ రామ్ చరణ్ కూడా నటిస్తున్నారు. చిరంజీవి సరసన కాజల్ అగర్వాల్ హీరోయిన్ గా నటించనుండగా… రామ్ చరణ్ సరసన రష్మిక మందన్న నటించనున్నారు.
ఈ సినిమాను మ్యాట్నీ ఎంటర్ టైన్ మెంట్ తో పాటుగా కొణిదెల ప్రొడక్షన్స్ బ్యానర్ రామ్ చరణ్, నిరంజన్ రెడ్డి నిర్మిస్తున్నారు. ఇక ఈ సినిమా కోసం ప్రత్యేకంగా దేవాలయం సెట్ వేయనున్నారు.
