కార‌ణం ఏంటో తెలియ‌దు! కానీ టాలీవుడ్ లో మాత్రం వెరైటీ టైటిల్స్ తో ప్రాజెక్ట్ లు తెర‌కెక్కుతుండ‌టం విశేషం. లాక్ డౌన్ కార‌ణంగా తెలుగు లో కొంత మంది రైట‌ర్ల క్రియేటివిటీ మామూలుగా ఉండ‌టం లేదు. ప్ర‌స్తుతం రామ్ గోపాల్ వ‌ర్మ `ప‌వ‌ర్ స్టార్` టైటిల్ తో ఓ సినిమా చేస్తున్నాడు. ఈనెల లోనే ఆ సినిమా రిలీజ్ కానుంది. ఇది జ‌న‌సేన అధినేత, సినీ న‌టుడు ప‌వ‌న్ క‌ళ్యాణ్ ని టార్గెట్ చేసి తెర‌కెక్కించిన చిత్రం. ఆ చిత్రానికి పోటీగా అదే రోజున బిగ్ బాస్ ఫేం నూత‌న నాయుడు `ప‌రాన్న జీవి` అనే సినిమా రిలీజ్ చేస్తున్నాడు. ఇది వ‌ర్మ గురించిన చిత్రం. వ‌ర్మ వ్య‌క్తిత్వం గురించి చెప్పే చిత్ర‌మ‌ని అంటున్నారు.
ప‌రాన్న జీవి టైటిల్ కూడా వెరైటీగా ఉండ‌టంతో! జ‌నాల్లోకి బాగానే దూసుకెళ్తోంది. ప‌వ‌ర్ స్టార్ కి పోటీగా నిలుస్తుంద‌ని ప‌వ‌న్ అభిమానులు సెటైర్లు వేయ‌డం జ‌రుగుతోంది. ఈ నేప‌థ్యంలో తాజాగా మ‌రో టైటిల్ తెర‌పైకి వ‌చ్చింది. ఆ సినిమా టైటిల్ ఏంటంటే? `బీకామ్ లో ఫిజిక్స్`. ఇక ఈ ప‌దం తెలుగు రాష్ర్టాల ప్ర‌జ‌ల్లో ఎంతో పాపుల‌ర్ అయిందో చెప్పాల్సిన ప‌నిలేదు. ఏపీ రాజకీయాల‌లో వైకాపా నుంచి గెలిచి టీడీపీ లోకి జంప్ అయిన జ‌లీల్ ఖాన్ అన్న మాట అది. ఆయ‌న బికాంలో కూడా ఫిజిక్స్ చ‌దివాన‌ని ఓ ఇంట‌ర్వూలో చెప్పుకొచ్చి బాగా ఫేమ‌స్ అయిన సంగ‌తి తెలిసిందే. ఇప్పుడా టైటిల్ తోనే సినిమా తెర‌కెక్కుతోంది.
అధికారికంగా టైటిల్ పోస్ట‌ర్ కూడా రిలీజ్ చేసారు సామ్ జె చైత‌న్య ఫిలింస్ ఈ చిత్రాన్నినిర్మిస్తోంది. మ‌రి ఇందులో న‌టీన‌టులు ఎవ‌రు? ద‌ర్శ‌క‌త్వం వ‌హించేది ఎవ‌రు? ఎప్పుడు రిలీజ్ చేస్తారు? వ‌ంటి అంశాలు ఇంకా రివీల్ చేయలేదు. అయితే టెక్నిక‌ల్ డిపార్ట్ మెంట్ డీటైల్స్ మాత్రం పోస్ట‌ర్లో కొన్ని వేసారు. ప్ర‌స్తుతం ఈ టైటిల్ మాత్రం సోష‌ల్ మీడియాలో జోరుగా వైర‌ల్ అవుతోంది. మ‌రి ఈ బికామ్ లో ఫిజిక్స్ నేప‌థ్యం ఏంటి? సెటైరిక‌ల్ సినిమానా? సీర‌య‌స్ క‌థ ఉంటుందా? అన్న‌ది చూడాలి.
