ఓటీటీలకు రోజురోజుకూ ఆదరణ పెరుగుతుండటంతో సినిమా ఇండస్ట్రీ దృష్టి ఇప్పుడు వాటిపై పడింది. అందుకే స్టార్‌ హీరోలు, హీరోయిన్లు, ప్రముఖ దర్శకులు, పేరున్న నిర్మాణ సంస్థలు సైతం డిజిటల్‌ వేదికవైపు అడుగులేస్తున్నారు.
సమంత, తమన్నా, కాజల్‌ అగర్వాల్‌ వంటి స్టార్‌ హీరోయిన్లు ఇప్పటికే వెబ్ సిరీస్ లో చేస్తూ న్నారు. ఈ జాబితాలోకి తాజాగా హీరోయిన్‌ అనుపమ పరమేశ్వరన్‌ చేరుతోందట. ఆమె మూడు వెబ్ సీరీస్‌లో నటించేందుకు ఓకే అందట. ఇందులో ఓ వెబ్ సీరీస్ లో ఆమె ద్విపాత్రాభినయం చేయనుందట.
అది కూడా కవలలుగా నటించనున్నారని..వారు ప్రతి విషయంలోనూ నువ్వా? నేనా? అన్నట్టు ఒకరితో ఒకరు పోటీ పడుతుంటారని, ఆ సన్నివేశాలు చాలా ఆసక్తికరంగా సాగుతాయని తెలుస్తోంది. ఇక తానేంటో చూపిస్తా అంటోంది!?