సందిగ్ధంలో అంజలి కెరీర్ !
చలాకీ చిన్నది అంజలి కెరీర్ ఇప్పుడు సందిగ్ధంలో పడింది. తెలుగు, తమిళ భాషల్లో అగ్ర హీరోలందరితో జతకట్టిన ఈ సుందరాంగికి అవకాశాలు పూర్తిగా తగ్గిపోయాయి. ఒక దశలో చేతినిండా చిత్రాలతో క్షణం తీరిక లేకుండా గడిపింది. పరిశ్రమలోకి కొత్త నీరు ప్రవేశించడంతో కెరీర్ నత్త నడకన కొనసాగింది.
హర్రర్, థ్రిల్లర్ సినిమాలతో పాటు అన్నిరకాల పాత్రల్లోనూ నటించి కథానాయికగా తనకంటూ ఓ ఇమేజ్ ఏర్పరచుకుంది. ఇప్పుడు అవకాశాల కోసం అర్రులు చాస్తుంది. ఎలాగైనా కెరీర్ ని మల్లి గాడిలో పడేట్లు చేసుకోవాలని తెగ తాపత్రయ పడుతోంది.
ఇందులో భాగంగానే బెలూన్ దర్శకుడు కె యస్ సీనెస్ ఇప్పుడు నిర్మాతగా మారి ది సోల్జర్స్ ఫ్యాక్టరీ అనే సంస్థను ప్రారంభించారు. ఈ సంస్థ నిర్మాణంలో ఓ చిత్రం రూపుదిద్దుకుంటోంది. ఈ సినిమాలో అంజలి ఓ ప్రధాన పాత్రని పోషిస్తోంది. కృష్ణన్ జయరాజ్ దర్శకత్వం లో తెరకెక్కుతున్న ఈ చిత్రంలో యోగిబాబు, రామర్ ముఖ్య పాత్రలు పోషిస్తున్నారు.
దీని గురించి సినేష్ మాట్లాడుతూ ‘కథానాయిక ప్రాధాన్యత కలిగిన సినిమాలకు కోలీవుడ్లో మంచి స్పందన ఉంది. ఆ జాబితాలో ఈ సినిమా కూడా నిలిచి మంచి గుర్తింపు తెచ్చుకుంటుందని నమ్ముతున్నాం. ఇందులో అంజలిని ప్రేమించే ‘రోడ్సైడ్ రోమియో’ పాత్రలో నటించారు యోగిబాబు. వీరిద్దరికి సంబంధించిన సన్నివేశాలు ప్రేక్షకులకు గిలిగింతలు పెడతాయని’ పేర్కొన్నారు. ఈ చిత్రానికి విశాల్ చంద్రశేఖర్ సంగీతం సమకూర్చగా అర్వి సినిమాటోగ్రాఫర్గా వ్యవహరించారు. ఈ చిత్రంతో నైనా అంజలి కెరీర్ గాడిలో పడుతుందేమో చూద్దాం.