యాత్ర ద‌ర్శ‌కుడికి బ‌న్ని ఆఫ‌ర్
స్టైలిష్ స్టార్ అల్లు అర్జున్ డెడికేష‌న్ గురించి చెప్పాల్సిన ప‌నే లేదు. వ‌రుస‌గా స్టార్ డైరెక్ట‌ర్ల‌కు అవ‌కాశాలిస్తూ త‌న స్టార్ డ‌మ్ పెంచుకుంటున్నాడు. అల వైకుంఠ‌పుర‌ములో చిత్రానికి త్రివిక్ర‌మ్ ద‌ర్శ‌క‌త్వం వ‌హించిన సంగతి తెలిసిందే. ఈ మూవీ ఇండ‌స్ట్రీ రికార్డ్ హిట్ అందుకుంది. ప్ర‌స్తుతం మ‌రో స్టార్ డైరెక్ట‌ర్ సుకుమార్ తో పుష్ప చిత్రం చేస్తున్నాడు. అడ‌వులు.. ఎర్ర‌చంద‌నం స్మ‌గ్లింగ్ నేప‌థ్యంలో మాస్ యాక్ష‌న్ ఎంట‌ర్ టైన‌ర్ ఇది.
ఈ మూవీ త‌ర్వాత ఎవ‌రితో? అంటే.. దానికి తాజాగా స‌మాధానం దొరికేసింది. పుష్ప చిత్రీక‌ర‌ణ పూర్త‌యిన అనంత‌రం కొరటాల శివ ద‌ర్శ‌క‌త్వంలో బ‌న్ని న‌టిస్తారు. ఈ మూవీని కొరటాల స్నేహితుడు మిక్కిలినేని సుధాక‌ర్ నిర్మిస్తార‌ని తెలుస్తోంది. ఇంత‌కుముందు మిక్కిలినేని భ‌ర‌త్ అనే నేను చిత్రాన్ని పంపిణీ చేశారు. ఎన్టీఆర్ – కొరటాల సినిమాల‌కు ఆయ‌న పంపిణీదారుడు. ఇదే కాంబోలో సినిమాని నిర్మించేందుకు ప్ర‌య‌త్నిస్తున్నారు. ఇప్పుడు బ‌న్నితో సినిమాకి ఆయ‌న తెలివైన ప్లాన్ చేస్తుండ‌డం ఆస‌క్తిని రేకెత్తిస్తోంది.
ఆస‌క్తిక‌రంగా బ‌న్ని- కొరటాల మూవీని గీతా ఆర్ట్స్ 2లో తెర‌కెక్కించ‌నున్నారు. అంటే బ‌న్ని వాసు తో క‌లిసి మిక్కిలినేని ఈ సినిమాని నిర్మిస్తారా? అన్న‌ది తెలియాల్సి ఉంది. అల్లు అర‌వింద్ జీఏ2 బ్యాన‌ర్ కి బ్యాక్ బోన్ అన్న సంగతి విద‌ధిత‌మే. ప్ర‌స్తుతం కొరటాల బృందం బ‌న్నితో సినిమాపైనా దృష్టి సారించింద‌ట. మ‌రోవైపు యాత్ర ఫేం మ‌హి.వి.రాఘ‌వ్ తోనూ ఓ సినిమాకి బ‌న్ని క‌మిట‌య్యాడు. దానికి సంబంధించి స్క్రిప్టు ప‌నులు సాగుతున్నాయ‌ని స‌మాచారం.