ప‌వ‌ర్ స్టార్ ప‌వ‌న్ క‌ళ్యాణ్ వార‌సుడు అకీరా నంద‌న్ టాలీవుడ్ ఎంట్రీ గురించి అభిమానుల్లో ఎప్ప‌టిక‌ప్పుడు హాట్ డిబేట్ న‌డుస్తూనే ఉంటుంది. సినిమాలు..రాజ‌కీయాలు అంటూ ప‌వ‌న్ రెండు ప‌డ‌వ‌ల ప్ర‌యాణం సాగిస్తున్నారు. ఈ ప్ర‌యాణంలో అంతిమంగా త‌న దారి రాజ‌కీయాలేన‌ని ఇప్ప‌టికే స్ప‌ష్ట‌త నిచ్చారు ప‌వ‌న్. వ‌కీల్ సాబ్ తో మ‌ళ్లీ రీ ఎంట్రీ ఇస్తూన్నా! వ‌రుస‌గా మూడు నాలుగు క‌మిట్ మెంట్లు ఉన్నా! త‌దుప‌రి సినిమాల్లో కొన‌సాగ‌డం అనేది అసాధ్యం. ఇప్ప‌టికే ఆయ‌న రీఎంట్రీ ఎఫెక్ట్ పార్టీ పై తీవ్ర ప్ర‌భావం చూపుతోంది. కాబ‌ట్టి ప‌వ‌న్ తిరిగి రాజ‌కీయాల‌కు అంకిత‌మ‌వ్వాలంటే ప‌రిశ్ర‌మ‌ను న‌ట‌న‌ను వ‌దిలి వెళ్లాల్సి ఉంటుంది. ఒక‌వేళ ప‌వ‌న్ టాలీవుడ్ లో లేక‌పోతే ఆ లోటును పూడ్చేది ఎవ‌రు? అంటే.. నిస్సందేహంగా ఆ ఛాన్స్ అకీరాకు మాత్ర‌మే ఉంటుంద‌ని అభిమానులు భావిస్తున్నారు. ఇప్ప‌టికే అకీరా 16వ ఏట‌లోకి అడుగు పెట్టేసాడు. నూనూగు మీసాల హీరోలా స్మార్ట్ లుక్ తో ఆక‌ట్టుకుంటున్నాడు. టీనేజీ ప్రేమ‌క‌థ‌ల‌కు అత‌డు యాప్ట్ అని అభిమానులు భావిస్తున్నారు. సైరాఠ్ హీరోలా.. షాహిద్ క‌పూర్ త‌మ్ముడు ఇషాన్ లా అత‌డు ఎంట్రీ ఇచ్చేందుకు అనువైన స‌మ‌య‌మిద‌న్న‌ది ఫ్యాన్స్ భావ‌న.
అయితే అకీరా ఆ దిశ‌గా అడుగులు వేస్తున్నాడా? ప‌వ‌న్ త‌న‌యుడిగా సోష‌ల్ మీడియాలో అకీరాకున్న ఫాలోయింగ్ గురించి చెప్పాల్సిన ప‌నిలేదు. మెగా ఫ్యామిలీ అండ‌దండ‌లున్నాయి. ప‌వ‌న్ అభిమానుల రూపంలో అకీరాకు కొండంత అండ ఉంది. అకీరా ఎంట్రీ ఇవ్వ‌డ‌మే ఆల‌స్యం… నెత్తిన పెట్టుకుంటారు. కానీ అదే జ‌ర‌గ‌డం లేదు. ప‌వ‌న్-రేణు దేశాయ్ విడిపోయిన త‌ర్వాత అకీరా బాధ్య‌త‌లు మొత్తం త‌ల్లి చేతిలోకే వెళ్లిపోయిన స‌న్నివేశ‌మైతే క‌నిపిస్తోంది. త‌ల్లితో క‌లిసి పుణేలోనే ఉంటున్నాడు. అక్క‌డే చ‌దువుకుంటున్నాడు. త‌న దారి సినిమాలే అయితే అడ్డు చెప్ప‌న‌ని ఇప్ప‌టికే రేణు దేశాక్ క్లారిటీ ఇచ్చేసింది. అయితే అకీరా చ‌దువులు పూర్త‌యిన త‌ర్వాత ఎంట్రీ ఇస్తాడా? లేక స్ట‌డీస్ ర‌న్నింగ్ లో ఉండ‌గానే లాంచ్ అవుతాడా? అన్న‌ది ప్ర‌స్తుతానికి స‌స్పెన్స్ గా మారింది.
అయితే స్టార్ కిడ్స్ అంతా చైల్డ్ ఆర్టిస్ట్ గానే ఎంట్రీ ఇచ్చి అటుపై పెద్ద స్టార్లు అవుతోన్న ఓ అన‌వాయితీ టాలీవుడ్ లో ఎప్ప‌టి నుంచో ఉంది. కానీ మెగా ఫ్యామిలీ ఆ సెంటిమెట్ కి దూరంగా ఉన్న‌ట్లు క‌నిపిస్తోంది. రామ్ చ‌ర‌ణ్‌..వ‌రుణ్ తేజ్… బ‌న్నీ… వైష్ణ‌వ్ తేజ్..శిరీష్.. సాయి తేజ్ ..వీళ్లెవ‌రూ స్టార్ కిడ్ గా ఎంట్రీ ఇవ్వ‌లేదు. 22 నంచి 25 మ‌ధ్య‌లోనే ఎంట్రీ ఇచ్చారు. మ‌రి ఆ సెంటిమెంట్ ని అకీరా బ్రేక్ చేస్తాడా? అన్న‌ది చూడాలి. అకీరా వ‌య‌సు ఆల్రెడీ 16 అధిగ‌మించింది. అంటే హీరో వ‌య‌సుకు వ‌చ్చేసిన‌ట్లే. పూరి త‌న‌యుడు ఆకాష్ లా ఎంట్రీ ఇస్తే బాగుంటుంద‌నే విశ్లేష‌ణ‌లు ఇప్ప‌టికే ఊపందుకున్నాయి. అకీరా బ‌ర్త్ డే వేళ దీనిపై ఆస‌క్తిక‌ర చ‌ర్చా సాగింది. మ‌రి అకీరా మ‌న‌సులో న‌టుడ‌వ్వాల‌ని ఉందా? లేక మ‌రో ఆలోచ‌న ఏదైనా ఉందా? లేదూ న‌ట‌సింహా నంద‌మూరి బాల‌కృష్ణ వార‌సుడు మోక్ష‌జ్ఞ‌లా మిడిల్ డ్రాప్ అవుతున్నాడా? ఏదీ తేల‌డం లేదు. అకీరా ఓపెనైతే గానీ ఏదీ క్లారిటీ రాదు.