“మన్మధుడు 2” ఓవర్ సీస్ రిలీజ్ పొజీషన్ ఏంటంటే…!
న్యూ జనరేషన్‌ కథతో కింగ్ నాగార్జున నటించిన సినిమా ‘మన్మథుడు 2’. రాహుల్ రవీంద్రన్‌ దర్శకుడు. రకుల్ ప్రీత్‌ సింగ్‌ హీరోయిన్. . ‘అన్నమయ్య’ తర్వాత ఈ సినిమా కోసం నాగార్జున స్వచ్ఛమైన తెలుగు మాట్లాడారు. పోర్చుగల్‌లో సాగే కథ ఇది. ఈ సినిమాలో సమంత, కీర్తి సురేశ్‌ అతిథి పాత్రల్లో కొద్దిసేపు మాత్రమే కనిపిస్తారు ఈ ఆగస్టు 9న విడుదల కాబోతున్న మన్మధుడు 2 యూఎస్ లో కూడా భారీగా విడుదల కానుంది.
మన్మధుడు 2 యూఎస్ విడుదలహక్కులను సొంతం చేసుకున్న యూఎస్ తెలుగు డిస్ట్రిబ్యూటింగ్ సంస్థ 250 పైగా థియేటర్లలో విడుదల చేయనున్నారు. అలాగే మన్మధుడు 2 మూవీ టికెట్ ధర $12గా నిర్ణయించారని సమాచారం. కామెడీ,రొమాంటిక్ ఎంటర్టైనర్ గా తెరకెక్కిన మన్మధుడు2 చిత్రం పై మంచి అంచనాలున్నాయి.
ఈ చిత్రం ‘ఫ్రెంచ్‌ రీమేక్‌ ‘మన్మథుడు 2’. ఓ ప్రముఖ ఫ్రెంచ్‌ స్టార్‌ అందులో నటించారు. కథ చాలా ఫన్నీగా ఉంటుంది. ఇది రొమాన్స్‌, ప్రేమ గురించి కాదు. ఓ మధ్య వయస్కుడు తన కుటుంబాన్ని కాదనలేక, తన అభిప్రాయాల్ని వదులుకోలేక ఏం చేశాడన్నదే కథ. అతడి జీవితంలోకి 25 ఏళ్ల అమ్మాయి వస్తే ఏం జరిగింది? అనేది ఆసక్తికరంగా ఉంటుంది’.
ఇప్పటికే హీరో నాగార్జున, హీరోయిన్ రకుల్ విరివిగా ప్రమోషన్స్ లో పాల్గొంటున్నారు. దర్శకుడిగా మారిన నటుడు రాహుల్ రవీంద్ర తెరకెక్కించిన ఈ మూవీని అన్నపూర్ణ స్టూడియోస్,వియాకామ్ 18 స్టూడియోస్ సంయుక్తంగా నిర్మిస్తున్నాయి. సీనియర్ నటి లక్ష్మి,రావు రమేష్,వెన్నెల కిషోర్,ఝాన్సీ కీలక పాత్రలలో నటిస్తున్నారు. ఈ మూవీకి చైతన్ భరద్వాజ్ సంగీతం సమకూర్చారు.