ఒకప్పటి హీరోయిన్ , ఇప్పటి డబ్బింగ్ ఆర్టిస్ట్ సరితకు కన్నీళ్లు ఉబికి వచ్చాయట. సరితకు డబ్బింగ్ ఆర్టిస్టుగా మంచి పేరుంది . తెలుగులో ఇప్పుడు ఎక్కువమంది హీరోయిన్లకు డబ్బింగ్ చెబుతున్నారు .
హీరోయిన్లకు డబ్బింగ్ చెప్పే వారు నలుగురైదుగురు వున్నా, వారిలో సరిత మొదటి స్థానంలో వుంది. బాలకృష్ణ నటిస్తూ నిర్మిస్తున్న “ఎన్టీఆర్ బయోపిక్ ” చిత్రంలో విద్యాబాలన్ ఎన్టీరామారావు అర్ధాగి శ్రీమతి బసవ తారకం పాత్రను పోషిస్తుంది .
ఈ పాత్రకు సరిత డబ్బింగ్ చెప్పడానికి హైదరాబాద్ వచ్చింది . ప్రసాద్ ల్యాబ్ ఈ చిత్రం డబ్బింగ్ జరుగుతుంది. బసవ తారకం పాత్రలో నటించిన విద్యా బాలన్ ఆ పాత్రలో ఒదిగిపోయారని , కొన్ని సన్నివేశాల్లో డబ్బింగ్ చెప్పలేక కన్నీళ్లు ఉబికి వచ్చాయని చెప్పింది.
తానూ ఎంతో మంది నాయికలకు డబ్బింగు చెప్పానని కానీ ఈ చిత్రం చూస్తూ డబ్బింగ్ చెబుతుంటే కన్నీళ్లు ఆగలేదని తెలిపింది . తాను సినిమాలో పూర్తిగా లీనమయ్యానని సరిత చెప్పింది. అంటే ఎన్టీఆర్ బయోపిక్ సరితను అంతగా ఆకట్టుకుందట .