ప‌వ‌న్‌క‌ల్యాణ్ మాంచి జోరుమీదున్నారు. గ‌తంలో ఏడాదికి ఒక సినిమా మాత్ర‌మే చేస్తూ వ‌చ్చిన ప‌వ‌న్ లాజాగా గేరు మార్చారు. ఎన్న‌డూ లేని విధంగా వ‌రుసగా ప్రాజెక్ట్‌ల‌ని మొద‌లుపెట్టేస్తున్నారు. ఇప్ప‌టికే రెండు సెట్స్‌పై వుండ‌గా మ‌రో మూడు త్వ‌ర‌లో ప్రారంభం కాబోతున్నాయి. `పింక్‌` రీమేక్‌తో వ‌రుస సినిమాల్ని మొద‌లుపెట్టిన ఆయన త‌న 27వ చిత్రాన్ని క్రిష్‌తో చేస్తున్న విష‌యం తెలిసిందే. ఇదొక పిరియాడిక్ చిత్ర‌మ‌ని, పాన్ ఇండియా స్థాయిలో ఈ చిత్రాన్ని క్రిష్ తెర‌పైకి తీసుకురాబోతున్నార‌ని ఇప్ప‌టికే వార్తలు షికారు చేస్తున్నాయి.
అయితే తాజాగా గ‌డ్డం తీసేసి క్లిన్ షేవ్‌తో క‌నిపిస్తున్న ప‌వ‌న్ ఇటీవ‌ల త‌న పార్టీ కార్య‌క‌ర్త‌ల‌తో ఓ మీటింగ్‌ని నిర్వ‌హించారు. దీనిక ఇసంబంధించిన కొన్ని ఫొటోల్ని పీఆర్ టీమ్ విడుద‌ల చేసింది. అలా వ‌చ్చిన ఫొటోల్లో ప‌వ‌న్ రైట్ హ్యాంగ్ మ‌ణి క‌ట్టుకి కింది భాగంలో ఓ టాటూ క‌నిపిస్తోంది. అది మొగ‌లాయిల కాలం నాటి మెగ‌ల్ సామ్రాజ్య‌పు సింబ‌ల్‌. దీన్ని బ‌ట్టే ప‌వ‌న్ ఒక‌ప్ప‌టి బందిపోటు దొంగ తెలంగాణ రాబిన్‌హుడ్ పండుగ‌ల సాయ‌న్నగా క‌నిపించ‌బోతున్నార‌ని అర్థ‌మ‌వుతోంది. దీన్ని ఓ ఫిక్ష‌న‌ల్‌గా క్రిష్ తెర‌పైకి తీసుకురాబోతున్నారు. ఇందులో ప‌వ‌న్‌కు జోడీగా ప‌లువురిని ప‌రిశీలించిన క్రిష్ బాలీవుడ్ భామ వాణీ క‌పూర్‌ని తీసుకుకోవాల‌ని భావిస్తున్నాడ‌ట.
నాని న‌టించిన `ఆహా క‌ల్యాణం`తో తెలుగులో ఎంట్రీ ఇచ్చింది వాణీక‌పూర్‌. అయితే తొలి సినిమా ఫ్లాప్ కావ‌డంతో తెలుగులో మ‌రో సినిమాలో క‌నిపించ‌లేదు. మ‌ళ్లీ ఈ సినిమాతో రీఎంట్రీ ఇవ్వ‌బోతోంద‌ని తెలుస్తోంది. ఇక మ‌రో హీరోయిన్‌గా ప్ర‌గ్యా జైస్వాల్ క‌నిపించ‌బోతోంద‌ని, ఇప్ప‌టికే క్రిష్ ఆమెకు గ్రీన్ సిగ్న‌ల్ ఇచ్చిన‌ట్టు చిత్ర వర్గాల స‌మాచారం.