ప్చ్.. ‘సైరా’యుఎస్ ప్రీమియర్స్ కలెక్షన్స్ తక్కువే

ప్రీమియర్స్ లో సత్తా చాటలేకపోయిన సైరా

మెగాస్టార్ చిరంజీవి ప్రతిష్టాత్మక ప్రాజెక్ట్ సైరా నరసింహారెడ్డి ఈ రోజు ప్రపంచ వ్యాప్తంగా భారీ గా విడుదలైంది. ఐదు భాషలో పాన్ ఇండియా మూవీగా భారీ బడ్జెట్ తో తెరకెక్కిన సైరా చిత్రంపై హై ఎక్సపెక్టేషన్స్ ఉన్నాయి. సినిమా పై ఉన్న హైప్ దృష్ట్యా యూఎస్ ప్రీమియర్స్ కలెక్షన్స్ కూడా సైరా సత్తా చాటుతుందని, మినిమం వన్ మిలియన్ కు పైగా వస్తుందని అంచనా వేసారు. అయితే అనుకున్నట్లు జరగలేదు. ట్రేడ్ పండిట్స్ అంచనాలు తప్పాయి. నార్త్ అమెరికా నుంచి ఈ సినిమా ప్రీమియర్స్ కు $857K వసూలు చేసింది. ఖైధీ నెంబర్ 150 సినిమా కలెక్ట్ చేసినంత కూడా చేయలేకపోయింది.

ఇది ప్రక్కన పెడితే ఈ సినిమాకు బాగా పాజిటివ్ రివ్యూలు వచ్చాయి..స్వాతంత్ర్య సమరయోధుడు ఉయ్యాలవాడ నరసింహారెడ్డి పాత్రకు మెగాస్టార్ చిరంజీవి ప్రాణం పోశారని రాజమౌళి ప్రసంశించారు. నెటిజన్లతోపాటు విమర్శకులు సైతం సోషల్‌మీడియాలో ‘సైరా’ను ప్రశంసిస్తూ ట్వీట్లు చేస్తున్నారు. అంతేకాదు ట్విటర్‌ ఇండియాలో ప్రస్తుతం ‘సైరా నరసింహారెడ్డి’ అనే హ్యాష్‌ట్యాగ్‌ నం.1లో ఉండటం విశేషం. ఈ సినిమాను చూసిన జక్కన్న, హరీష్‌ శంకర్‌, శోభూ యార్లగడ్డ తదితరులు సోషల్‌మీడియా వేదికగా తమ అభిప్రాయాలు పంచుకున్నారు.

చిరంజీవి మొదటిసారి ఒక స్వాతంత్ర్య సమరయోధుడిగా నటించిన సైరా చిత్రాన్ని దర్శకుడు సురేందర్ రెడ్డి తెరకెక్కించగా హీరో రామ్ చరణ్ నిర్మించారు. నయనతార, తమన్నా, అమితాబ్, జగపతి బాబు, సుదీప్, విజయ్ సేతుపతి, సుదీప్ కీలక పాత్రలు చేయడం జరిగింది. దాదాపు రూ.300 కోట్ల బడ్జెట్‌తో ప్రతిష్ఠాత్మకంగా దీన్ని నిర్మించారు.